बैशाख २७, २०७८
नवलपरासी– संघीय स्वास्थ्य तथा जनसंख्यामन्त्री हृदयेश त्रिपाठीको गृहजिल्ला पश्चिम नवलपरासीमा पहिलो पटक सघन उपचार कक्ष ( आइसियु) सञ्चालन हुने भएको छ ।
हरेक चीजमा रूपन्देही र चितवनको भर पर्नुपर्ने बाध्यता रहेको यो जिल्लामा स्वास्थ्योपचारमा उस्तै गति छ । सुनवल नगरपालिकाले १० बेडको आइसियु सेवा सञ्चालन गर्ने भएपछि जिल्लामै पहिलो हुनेछ ।
नगरप्रमुख भीम बहादुर थापाका अनुसार संक्रमण वृद्धि हुँदै गएपछि नगरले आइसियु जडानलाई तीव्रता दिएको छ । जिल्लामा बनाइएका आइसोलेसनमा अक्सिजनसहित सामान्य उपचार प्रविधि छन् ।
आइसियुका लागि आवश्यक सम्पूर्ण मेडिकल उपकरण सुनवलस्थित सर्वोत्तम सिमेन्ट उद्योगले उपलब्ध गराएको हो । सेवा सञ्चालन गर्न करिब ७० लाख रुपैयाँ लाग्ने नगरप्रमुख थापाको भनाइ छ ।
बुधबारदेखि आइसियु सञ्चालन हुने थापाले जानकारी दिए । संक्रमितका लागि नगरपालिकाले अक्सिजनसहित २० बेडको आइसोलेसन निर्माण गरेको थियो ।
आइसोलेसनमा १ जना चिकित्सकसहित १२ जना स्वास्थ्यकर्मी रहने सुनवल नगरपालिकाले बताएको छ ।
चैत १२, २०८०
फागुन २९, २०८०
फागुन २८, २०८०
चैत २२, २०८०
चैत २३, २०८०
