ताप्लेजुङ– ताप्लेजुङमा कोरोना संक्रमण समुदाय स्तरमै फैलिएको आशंका गरिएको छ । बुधबार मात्रै ८२ जना कोरोना संक्रमित थपिएका छन् । १०० जनाको पिसिआर परीक्षण गर्दा ७६ जना कोरोना संक्रमित थपिएका हुन् ।
८ जनाको एन्टिजेन परीक्षण गर्दा ६ जनाको रिपोर्ट पोजेटिभ आएको ताप्लेजुङ जिल्ला अस्पतालले जनाएको छ । जिल्ला प्रशासन कार्यालयका अनुसार सुकेटार आसपास र ताप्लेजुङ अस्पताल परिसरबाट लिइएको १०० जनाको स्वाब परीक्षण नतिजा प्राप्त हुँदा ७६ जनाको रिपोर्ट पोजेटिभ आएको हो ।
१५२ जनाको स्वाब संकलन गरिएकामा १०० जनाको रिपोर्ट आउन बाँकी थियो । योसँगै ताप्लेजुङमा सक्रिय कोरोना संक्रमितको संख्या ४०४ पुगेको छ । अझै २९८ जनाको स्बाब परीक्षण रिपोर्ट आउन बाँकी छ ।