हुम्ला– हुम्लाको दक्षिण क्षेत्रमा पर्नेे चंखेली गाउँपालिकामा होम आईशोलेसनमा बसेकी श्रीमतीको उपचार नगरेको भन्दै एकजना शिक्षकले चिकित्सकमाथि हातपात गरेका छन् ।
संक्रमित ती महिला होम आइसोलेशनमा बसेको बेला गाउँपालिकाका स्वास्थ संयोजक काली बहादुर वुढाले दिनदिनै नहेरेको भन्दै चंखेली गाउँपालिकाका शिक्षक अमृत रोकायाले हातपात गरेका हुन् ।
‘दिनहुँ उपचार गर्न किन नआएको भन्दै रोकायाले मलाई कुटपिट गरे,’ स्वास्थ्य संयोजक बुढाले पालिकाखबरसँग भने ।
स्वास्थ्यकर्मीमाथि हातपात गरेपछि यतिवेला प्रहरी घटनास्थल पुगेको छ । कुटपिटको उजुरी आएपछि आइसोलेसनमा प्रहरी परिचालन गरी घटनाको अनुसन्धान थालिएको हुम्लाका प्रमुख जिल्ला अधिकारी गणेश आचार्यले जानकारी दिए ।