धनगढी । धनगढी उपमहानगरपालिकाद्वारा संचालित विशेषज्ञस्तरीय वडा क्लिनिक बिहीबार वडा नम्बर १६ मा सम्पन्न भएको छ । 

धनगढी उपमहानगरपालिकाका मेयर गोपाल हमालका अनुसार वडा नम्बर १६ उर्मा स्वास्थ्य चौकिमा बिहीबार सम्पन्न क्लिनिकबाट ३३७ जनाले सेवा लिएका हुन् । 

मेयर हमालका अनुसार जनरल फिजिसियनबाट सेवा लिने संख्या ११५, प्रसूति रोग विशेषज्ञबाट ४४ जना, आँखासम्बन्धी सेवा लिने १३० जना,  प्रयोगशाला सेवा लिने २९ जना, अल्ट्रासाउन्ड, १३ जना, इसिजीमा ६ जना र गर्भवती महिलाको संख्या १७ जना र  दन्त सेवा लिने सेवाग्राही ४८ जना छन् ।

महिनामा एक दिन एक वडामा विशेषज्ञ स्वास्थ्य क्लिनिक सञ्चालन सेवाअन्तर्गत बिहीबार वडा नम्बर १६ मा सम्पन्न भएको हो । उपमहानगरको नीति र कार्यक्रममा प्राथमिक योजनामा रहेको वडा क्लिनिक सेवा चालु आर्थिक वर्षको पहिलो दिनदेखि नगर प्रमुख हमालले सुरु गरेका हुन् ।  

आफ्नो कार्यकालको पाँच वर्ष निरन्तर यो ‘विशेषज्ञ वडा स्वास्थ्य क्लिनिक’ सञ्चालनमा रहने मेयर हमालले पालिका खबरलाई बताए ।