सुनसरी– धरान उपमहानगरपालिकाले निःशुल्क डेङ्गी उपचार केन्द्र बन्द गर्ने भएको छ । वडा नं १ स्थित धरान स्वास्थ्य चौकीमा सञ्चालित निःशुल्क डेङ्गी उपचार केन्द्रमा डेङ्गी संक्रमणका बिरामीको चाप घटेकाले उपमहानगरले निःशुल्क सेवा बन्द गर्न लागेको हो ।
उक्त उपचार केन्द्र भदौ ३१ सम्म सञ्चालन हुने उपमहानगरपालिकाले शुक्रबार एक सूचना जारी गर्दै जनाएको छ । निःशुल्क डेङ्गी उपचार केन्द्र बन्द भएपछि स्वास्थ्य चौकीबाट नियमित सेवा प्रदान गरिने सो सूचनामा उल्लेख छ ।
धरानमा अत्यधिक डेङ्गीका बिरामी बढेपछी उपमहानगरपालिकाले साउन १७ गतेदेखि निःशुल्क डेङ्गी उपचार केन्द्र सञ्चालनमा ल्याएको थियो ।