फागुन ०९, २०८०
लमजुङ– दोर्दी गाउँपालिकाले दादुरा रुबेला खोप अभियान सञ्चालन गर्ने भएको छ । गाउँपालिकाले फागुन १३ गतेदेखि १७ गतेसम्म दादुरा रुबेला विरुद्धको खोप अभियान सञ्चालन गर्न लागेको हो ।
गाउँपालिकाका ४० वटा खोप केन्द्रबाट बालबालिकालाई खोप लगाउने गाउँपालिकाका स्वास्थ्य शाखा संयोजक आइतमान गुरुङले बताए । उनका अनुसार ९ वटै वडामा यसअघि कायम भएको ३१ र थप कायम गरेको नौ वटा खोप केन्द्रमार्फत खोप लगाइने छ ।
नौ महिनादेखि पाँच वर्ष मुनीका एक हजार २९ जना बालबालिकालाई दादुरा रुबेलाविरुद्धको खोप लगाउने लक्ष्य गाउँपालिकाले लिएको उनले जानकारी दिए ।
अभियानमा गाउँपालिकामा ३१ जना खोप कार्यकर्ता र ८५ जना महिला स्वास्थ्य स्वयंसेविका परिचालन हुनेछन् । खोप अभियानको स्वास्थ्य चौकी प्रमुख, गाउँपालिका स्वास्थ्य शाखा साथै जनप्रतिनिधिले अनुगमन गर्ने जनाइएको छ ।
कुनैपनि बालबालिका खोप पाउने अधिकारबाट बञ्चित हुन नहुने बताउँदै गाउँपालिका अध्यक्ष युवराज अधिकारीले दादुरा रुबेलाविरुद्धको खोप अभियान सफल बनाउन सबैलाई आग्रह गरेका छन् । अभियानका क्रममा आफ्नो कर्तव्य पालना गर्न स्वास्थ्यकर्मीलगायत सवै कर्मचारीलाई निर्देशन समेत दिएका छन् ।
फागुन २९, २०८०
फागुन २८, २०८०
फागुन २८, २०८०
कात्तिक १४, २०८१
