भदौ २५, २०८१
असार २६, २०७९
रुपन्देही । तिलोत्तमा नगरपालिकामा भूमि आयोगले भूमिहीन सुकुम्बासीको जग्गा नापजाँचको काम सुरु गरेको छ ।
आयोगले तिलोत्तमा नगरपालिकामा वडा नं. १३ मा जग्गा नापजाँचको काम सुरु गरेको हो ।
आयोगका केन्द्रीय अध्यक्ष केशव निरौलाले भूमिहीन सुकुम्बासीलाई जग्गाको स्वामित्व प्रदान गर्ने काम सुरु भएको र यस कार्यमा सहयोग गर्नका लागि नगरपालिका र स्वयम् भूमिहिन सुकुम्बासीहरुलाई समेत आग्रह गरे ।
उनले आयोगका कर्मचारीलाई पनि ऐन कानुनको परिधिभित्र रहेर काम गर्न निर्देशन दिए ।
भूमिहीन तथा सुकुम्बासी समस्या अन्त्य गर्ने सरकारको लक्ष्य रहेको बताउँदै उनले सो लक्ष्य प्राप्तिका लागि आयोगले परिणाम देखिने गरी प्रतिवद्ध भएर काम गरेको दाबी गरे ।
तिलोत्तमा नगरपालिका प्रमुख रामकृष्ण खाँणले भूमिहीन सुकुम्बासीको समस्या समाधानलाई नगरपालिकाले प्राथमिकता दिएको बताउँदै आयोगको काममा पूर्ण सहयोग गर्ने प्रतिवद्धता व्यक्त गरे ।
उनले भूमिहीनलाई जग्गाको स्वामित्व प्रदान गरिने गर्ने र सार्वजनिक जग्गाको संरक्षणमा नगरपालिका क्रियाशील रहने बताए ।
वडामा खटिने आयोगका कर्मचारीलाई सहयोग गर्न नगरप्रमुख खाँणले वडा अध्यक्ष तथा सदस्यहरुलाई आग्रह गरे ।
भूमि आयोग रुपन्देहीका अध्यक्ष हरिबहादुर आचार्य क्षेत्रीले आयोगले अहिले रुपन्देहीका १० वटा पालिकामा काम भइरहेको र साउनको पहिलो सातादेखि देवदहमा पुर्जा वितरण हुने जानकारी दिए ।
कात्तिक १४, २०८१
