भदौ २७, २०८१
असोज १०, २०७९
काठमाडौं । पर्साको सखुवा प्रसौनी गाउँपालिकाका अध्यक्ष जसवन्त यादवमाथि आक्रमणको प्रयास भएको छ । आइतबार राति गाउँपालिकाबाट घर फर्किँदै गर्दा आफूमाथि आक्रमणको प्रयास भएको अध्यक्ष यादवले पालिका खबरलाई बताए ।
उनले भने, ‘ म वडा नं २ मा रहेको गाउँपालिका कार्यालयबाट वडा नंं६ स्थित आफ्नो घर फर्किँदै गर्दा १०/१२ जनाको समूहबाट आक्रमणको प्रयास भयो ।उनीहरूको आक्रमणबाट मसँगै रहेका ऋषिकुमार सहनी र नगेन्द्रप्रसाद यादव घाइते भएका छन् । सहनीको हात भाँचिएको छ भने यादवको टाउकोमा चोट लागेको छ, उनले भने ।
आक्रमणका कारण आफू सवार गाउँपालिका कार्यालयको ना १ झ १६८७ नम्बरको गाडी तोडफोड भएको उनले बताए ।
‘कार्यालयबाट घर फर्कंदै थिएँ, सखुवाप्रसौनी–५ बलुवा पुग्ने बित्तिकै १०/१२ जनाको संख्यामा आएका गुण्डा प्रवृत्तिका मानिसहरुले आक्रमण गरे’, उनले भने, ‘मलाई त केही भएको छैन, तर दुई जना घाइते भएका छन् ।’
जिल्ला प्रहरी कार्यालय, पर्साका अनुसार घटनामा संलग्न रहेको आशंकामा तीन जनालाई पक्राउ गरिएको छ ।
भदौ २३, २०८१
भदौ ०९, २०८१
भदौ ०९, २०८१
