भदौ २५, २०८१
असोज १८, २०७९
मकवानपुरको । मनहरि गाउँपालिका अध्यक्ष रञ्जन कलाखेतीले जनप्रतिनिधिको संख्यामा युवाको संख्या अधिक रहेको बताएका छन् ।
पालिका खबरसँगको कुराकानीका क्रममा उनले यसपालि मतदाताले युवालाई पत्याएको बताए । यसपालि पालिकामा युवा जनप्रतिनिधिको संख्या बढी छ । युवामाथि जनताले गरेको विश्वासलाई कायम राख्न राम्रा काम गर्नुपर्छ,’उनले भने ।
चुनावमा जुनसुकै पार्टीको नेता तथा कार्यकर्ता भए पनि निर्वाचित भएपछि कुनै पनि पार्टीको सदस्य नहुने र त्यसैअनुरूप काम गर्नुपर्ने उनको भनाइ छ । यस्तै, राम्रो काम गर्ने कर्मचारीलाई प्रोत्साहस्वरूप पुरस्कार र जरिवाना गर्न आफू पछि नहट्ने उनले बताए ।
सेवाग्राहीलाई अभद्र व्यवहार गर्ने तथा ढिलासुस्ती गर्ने अस्थायी कर्मचारीलाई मूल्याङ्कनका आधारमा हटाउने बताउँदै उनले अहिलेसम्म २ जनालाई हटाइसकेको बताए ।
महिनामा दुईपटक कर्मचारीसँग बैठक बसेर गुनासो सुन्ने, प्रगति विवरण हेर्ने र सेवाग्राहीबाट आएका गुनासाबारे छलफल हुने गरेको उनको भनाइ छ ।
लोपोन्मुख, दलित तथा गरीबका लागि निशुल्क स्वास्थ्य विमाको लागि बजेट छुट्याएको बताउँदै उनले एक घर एक धारा खानेपानी योजनाअनुरूप काम भइरहेको उनले बताए ।
कात्तिक १४, २०८१
