असोज ०१, २०८०
माघ २९, २०८०
सुनसरी - इटहरी उपमहानगरपालिकाले बजार अनुगमनबाट म्याद गुज्रेका सामग्री बरामद गरेको छ ।उपमहानगरपालिकाले वडा नम्बर ९ को आइतबारे बजारको अनुगमनबाट म्याद गुज्रेको सामग्री बरामद गरेको हो ।
उपमहानगरपालिकाको खाद्य निरिक्षक अनु अर्यालका अनुसार बजार अनुगमनबाट पापड १०० ग्रामको ७५ प्याकेट, चियापति दुई किलोग्राम, ज्वाना दुई किलोग्राम र जिरा दुई किलोग्राम बरामद गरेको हो । सो सामग्री जफत गरी लिएको उनले पालिकाखबरलाई सुनाइन् ।
सो सामग्री उपमहानगरपालिकाले नष्ट गर्ने उनले सुनाइन् । उपमहानगरपालिकाले म्याद गुज्रेका तथा अखाद्य सामग्री बिक्री गरेको फेला भएमा सुरुमा चेतावनी दिने उनले बताइन् । सो कार्य दोहोराएर ५० हजार रुपैयाँसम्म जरिवाना तिराउने उनका भनाइ छ ।
उपमहानगरपालिकाले समय समयमा बजारको अनुगमन गर्दै आएको बताइन् । तर स्थानीय बासिन्दाको उजुरी आएमा तत्काल अनुगमन गर्ने उनको भनाइ छ ।
कात्तिक १४, २०८१
