चितवन । नारायणगढ-मुग्लिन सडक खण्ड पुनः अवरुद्ध बनेको छ ।
भरतपुर महानगरपालिका-२९ मा पर्ने केराबारीमा गएराति ठूलो पहिरो गएका कारण सडक अवरुद्ध बनेको हो ।
पहिरोका कारण सडकमा लेदो माटोसहित ढुङ्गैढुङ्गा थुप्रिएको जिल्ला प्रहरी कार्यालय चितवनका डिएसपी नरहरि अधिकारीले जानकारी दिए ।
गत सोमबार यस सडकखण्डको विभिन्न स्थानमा पहिरो खस्दा यातायातमा अवरोध हुँदै आएको थियो ।
पहिरोका कारण हरेक दिनजसो यात्रुले सास्ती भोग्नु परिरहेको छ ।