जेठ ०४, २०७८
चन्द्रकान्त खनाल
रुपन्देही– लुम्बिनी प्रदेशको तर्फबाट राष्ट्रिय सभा सदस्य पदका लागि उक पदका लागि हुने निर्वाचनका लागि मंगलवार उमेदवारी दर्ता भएको छ ।
१७ जेठका लागि तय भएको निर्वाचनका लागि सत्तारुढ दल एमालेका तर्फबाट चन्द्रबहादुर खड्का र कांग्रेस–माओवादी गठवन्धनका तफृबाट दुर्गनारायण पाण्डेयले उमेदवारी दर्ता गराएका छन् ।
खड्का एमाले प्रवेश गरेपछि माओवादी केन्द्रले दल त्यागको निवेदनको आधारमा सो पद रिक्त भएको थियो । एमालेले उनलाई नै उम्मेदवार बनाउने निर्णय गरेको नेकपा एमालेका प्रदेश अध्यक्ष लिला गिरीले वताए ।
यस्तै नेपाली कांग्रेस, नेकपा माओवादी केन्द्र, जनता समाजवादी पार्टी जसपा र राष्ट्रिय जनमोर्चासहितको गठबन्धनले एमाले परित्याग गरि कांग्रेस प्रवेश गरेका दुर्गनारायण पाण्डेयलाई उम्मेदवार बनाउने भएको छ । उनी वैशाख १९ गते एमाले प्रदेशसभा सदस्यबाट राजीनामा दिएर कांग्रेस प्रवेश गरेका हुन् ।
लुम्बिनीमा प्रदेश सभा सदस्य र गाउँपालिकाका अध्यक्ष, उपाध्यक्ष, नगरपालिकाका अध्यक्ष, उपाध्यक्ष गरी २ सय ९६ मतदाता छन् । जसमा प्रदेशसभा सदस्य ७९ र गाउँपालिकाका अध्यक्ष, उपाध्यक्ष, नगरपालिकाका अध्यक्ष, उपाध्यक्ष गरी २ सय १७ जना मतदाता छन् ।
भदौ २४, २०८१
बैशाख २७, २०८१
कात्तिक १४, २०८१
