काठमाडौं । संघीय सरकारका स्वास्थ्यमन्त्री विरोध खतिवडाले एमाले अध्यक्ष केपी शर्मा ओलीलाई ‘चुनावको समयमा बिरामीले औषधि खानुपर्दैन र ? भनी प्रश्न गरेका छन् ।
मंगलबार ‘स्वास्थ्यमन्त्री खतिवडाले कमिसनको चक्करमा अर्बौको औषधि खरिद गर्ने तयारी गरेको’ भन्ने ओलीको अभिव्यक्तिको खण्डन गर्दै खतिवडाले यस्तो प्रश्न गरेका हुन् ।
मे दिवसका दिन हेटौँडा पुगेका नेकपा एमालेका अध्यक्ष केपी शर्मा ओलीले कमिसनको चक्करमा स्वस्थ्यमन्त्रीले औषधि खरिद गर्न लागेको आरोप लगाएका थिए ।
निर्वाचन आचारसंहिता लागू भए पनि नेपाल सरकारले वार्षिक बजेटमा ल्याएका कार्यक्रम नरोकिने मन्त्री खतिवडाले बताए ।