बैशाख २२, २०७९
काठमाडौं । प्रमुख प्रतिपक्ष दल नेकपा एमालेका अध्यक्ष केपी शर्मा ओली आज सुदूरपश्चिम जाँदैछन्। वैशाख ३० गते हुने स्थानीय तह निर्वाचनअन्तर्गत चुनावी सभालाई सम्बोधन गर्न ओली सुदूरपश्चिम प्रदेश जान लागेका हुन् ।
बिहीबार कञ्चनपुर र कैलालीका तीन ठाउँमा चुनावी सभालाई ओलीले सम्बोधन गर्ने कार्यक्रम तय भएको हाे। कञ्चनपुरको बेलौरी नगरपालिका, कैलालीको धनगढी र बर्दगोरियामा आयोजना हुने आमासभाको सम्पूर्ण तयारी पुरा भएको नेकपा एमाले कञ्चनपुरका सचिव पल्लबराज भट्टले जानकारी दिए ।
उनका अनुसार ओली हेलिकप्टरमार्फत सुरुमा बर्दगोरियाको कार्यक्रममा सहभागी हुनेछन् । त्यसपछि दिउँसो २ बजे कञ्चनपुरको बेलौरीस्थित खुलामञ्चमा आयोजना हुने सभालाई सम्बोधन गर्नेछन् ।
त्यसपछि उनी धनगढीको कार्यक्रमलाई सम्बोधन गर्न जाने तालिका छ। ओलीले विभिन्न पार्टी परित्याग गरि एमाले प्रवेश गर्नेहरुलाई स्वागत गर्ने कार्यक्रम पनि छ।
भदौ २४, २०८१
बैशाख २७, २०८१
कात्तिक १४, २०८१
