बैशाख २७, २०७९
काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले आफूहरूले बोलेको कुरा पूरा गर्ने प्रतिबद्धता गर्दै नेपाली कांग्रेसलाई मतदान गर्न आग्रह गरेका छन् ।
मंगलबार एक विज्ञप्ति जारी गर्दै उनले नेपाली कांग्रेसले जे भन्छ त्यो गर्ने बताउँदै उनले विज्ञप्तिमार्फत् आफूहरूले खोक्रो नारा दिन नसक्ने बताएका छन् ।
‘अरू कुरा गर्छन्, हामी काम गछौँ । सबल स्थानीय सरकार: सम्मुनत गाउँ नगर हाम्रो मूल मन्त्र हो,’ देउवाले भने ।
विज्ञप्तिमार्फत् उनले संविधान कार्यान्वयनमा एउटा इँटा थप्न पनि उनले आग्रह गरेका छन् । लोकतान्त्रिक संस्कार र संस्कृतिमा आधारित समतामूलक समाज निर्माणका लागि उपयुक्त पात्रलाई राजनीतिको बागडोर जिम्मा लगाउने अधिकार मतदाताको हातमा आएको उनले उल्लेख गरेका छन् ।
भदौ २४, २०८१
बैशाख २७, २०८१
कात्तिक १४, २०८१
