बैशाख ३१, २०७९
काठमाडौं । काठमाडौं महानगरपालिकामा बालेन साहले आफ्नो अग्रता कायम राखेका छन् ।
कुल १५ सय मत गणना गर्दा उनले ५६८ मत ल्याएर आफ्नो अग्रता कायम राखेका हुन् ।
एमालेका केशव स्थापितले ४१५ ल्याएर साहलाई पछ्याइरहेका छन् । यस्तै, गठबन्धन तथा नेपाली कांग्रेसकी उम्मेद्वार सिर्जना सिंहले सुस्त–सुस्त पछ्याइरहेकी छन् । उनले ३०७ मत ल्याएकी छन् ।
ललितपुर महानगरमा गठबन्धन तथा नेपाली कांग्रेसका उम्मेद्वार चिरिबाबु महर्जनले अग्रता कायम राखेका छन् ।
एक सय मत गन्दा उनले प्रतिद्वन्द्वी नेकपा एमालेका उम्मेद्वार हरिकृष्ण व्यञ्जनकारलाई पछि पारेका हुन् ।
उनका प्रतिद्वन्द्वी व्यञ्जनकारले २३ मत ल्याउँदा महर्जनले २३ मत ल्याएका छन् ।
यस्तै, सर्वाधिक चर्चामा रहेको चितवन भरतपुरमा नेकपा एमालेले अग्रता कायम राखेको छ । एमालेका उम्मेद्वार विजय सुवेदीले ६६ मत ल्याएका छन् भने गठबन्धन तथा माओवादी केन्द्रबाट उम्मेद्वार बनेकी रेणु दाहालले ५१ मत ल्याएकी छन् । त्यसैगरी, स्वतन्त्र उम्मेद्वार जगन्नाथ पौडेलले १३ मत प्राप्त गरेका छन् ।
यस्तै, उपमेयरमा गठबन्धन तथा नेपाली कांग्रेसका चित्रसेन अधिकारीले अग्रता लिएका छन् । उनलाई राप्रपाका हिमाल गुरुङले पछ्याइरहेकी छन् ।
यस्तै, विराटनगरमा गठबन्धन तथा नेपाली कांग्रेसका उम्मेद्वार नागेश कोइरालाले अग्रता लिएका छन् ।
भदौ २४, २०८१
बैशाख २७, २०८१
कात्तिक १४, २०८१
