चैत २३, २०८०
मंसिर १७, २०७७
डडेल्धुरा- डडेल्धुराको अजयमेरु गाउँपालिकाका उपाध्यक्षसहित १२ जनामा कोरोना संक्रमण देखिएपछि गाउँपालिका सिल गरिएको छ ।
मंगलबार डडेल्धुरा अस्पतालको प्रयोगशालामा गरिएको परीक्षणमा उनीहरूमा कोरोना देखिएको हो ।
गाउँपालिका उपाध्यक्ष कलावती भाँण, प्रमुख प्रशासकीय अधिकृतसहित १२ जनामा कोरोना संक्रमण देखिएको गाउँपालिका स्वास्थ्य शाखा प्रमुख हिक्मत खठायतले जानकारी दिए ।
उनका अनुसार गत १४ मंसिरमा उनीहरूको स्वाब संकलन गरिएको थियो । स्बाब संकलन गरेका ३७ मध्ये १२ जनाको रिपोर्ट पोजिटिभ आएको हो ।
‘गाउँपालिकामा कार्यरत एक कार्यालय सहयोगीमा कोरोना देखिएपछि उहाँहरूको स्वाब संकलन गरेका थियौँ । आज १२ जनामा कोरोना देखिएको छ’, स्वास्थ्य शाखा प्रमुख खठायतले भने ।
एक जनप्रतिनिध र ११ जना कर्मचारीमा कोरोना देखिएपछि एक साताका लागि गाउँपालिका कार्यालय सिल गरिएको हो । गाउँपालिकाले एउटा सूचना जारी गर्दै कार्यालय सिल गरिएको जनाएको छ ।
संक्रमण पुष्टि भएका १२ जनाको सम्पर्कमा आएका ३१ जनाको स्वाब मंगलबार संकलन गरिएको जनाइएको छ ।
चैत १९, २०८०
चैत १९, २०८०
चैत २२, २०८०
