भदौ २४, २०८१
पुस ०६, २०७७
भक्तपुर– मध्यपुरथिमी नगरपालिकाले सोमबारदेखि प्रशासकीय अधिकृत पाएको छ । करिव डेढ महिनादेखि प्रशासकीय अधिकृतविहीन थिमिमा खेलकुद मन्त्रालयका उपसचिव चुडामणि पन्थी हाजिर भएका छन् ।
प्रशासकीय अधिकृत नभएकै कारण नगरका अधिकांश प्रशासनिक कार्य रोकिएका थिए । अब रोकिएका कार्यहरु विस्तार र सञ्चालन हुने नगरवासीको विस्वास छ । नगरप्रमुख मदनसुन्दर श्रेष्ठ अबको पहिलो काम नै सामाजिक सुरक्षा भत्ता वितरण हुने बताउँछन् ।
नगरप्रमुख र यसअघिका प्रमुख प्रशासकीय अधिकृत उद्धवप्रसाद रिजालबीचको विवादले नगरका प्रशासनिक कार्य ठप्प थिए । नगरप्रमुख श्रेष्ठले नक्कली उपभोक्ता समिति बनाइ भुक्तानी गर्न दवाव दिएको र तत्कालीन कार्यकारी अधिकृतले सही गर्न नमानेपछि उनीहरूबीच मनमुटाव थियो । यही कारण उनको सरुवा भएको थियो ।
पन्थी नगरको लागि नयाँ प्रशासकीय अधिकृत भएपनि भक्तपुर जिल्लाका लागि भने पुरानै व्यक्ति हुन् । भक्तपुरको निर्वाचन कार्यालयमा २०६९ देखि २०७२ सालसम्म फोटोसहितको मतदाता नामावली संकलन, संविधानसभाको उपनिर्वाचन तथा भूकम्पपछिको राहत वितरण गरेका थिए ।
कात्तिक १४, २०८१
