रुपन्देही– बुटवल उपमहानगर पालिकाका प्रमुख शिवराज सुवेदीले जोखिममा रहेका घर बस्ती खतरामा रहेकाे जानकारी दिएका छन्। उनले  ती घर बस्ती तत्काल अन्य ठाउँ स्थानान्तरण गर्ने बताएका छन् । तीन दिनदेखि निरन्तर परेको बर्षाको कारण बढेको तिनाउको बहावको कारण कटानमा परेको रानीगन्ज क्षेत्र निरीक्षणको गरेपछि सुवेदीले यस्तो बताएका छन् ।

प्रमुख सुवेदीले उपमहानगरपालिकाका प्राविधिक र सम्बन्धित वडाका अध्यक्षलाई साथमा लिएर नदि किनारका बस्तीको अवलोकन गरेका छन् । उनले जोखिमपूर्ण अवस्थाका बस्तीको लगत संकलन भइरहेको र पूर्वतयारीका लागि योजना समेत बनाइएको बताए । 

सुरक्षाकर्मी परिचालन गर्ने, विपदको बन्दोबस्तीका सामग्री व्यवस्थापन गर्ने, सामुदायिक भवनको व्यवस्थापन गर्नेलगायतका काम अघि बढेको प्रमुख सुवेदीले बताए ।

रानिगन्जमा विगतदेखि नै दुई घर उच्च जोखिममा थिए । अन्य १० घर पनि जोखिममा छन् । ती जोखिममा रहेका घरहरु तत्काल सामुदायिक भवन स्थानान्तरण भइरहेको र विपदका सामग्री पनि नगरले ल्याइरहेको छ ।