रौतहट– रौतहटको इशनाथ नगरपालिकाका मेयर सन्तोष मेहता शनिबार डुङ्गा चढेर नगरका जनताको दुखेसो बुझ्न र सुन्न व्यस्त भए । 

अविरल बर्सापछि आएको बाढीले नगरको केही गाउँ डुबानमा परेपछि नगर प्रमुख मेहता बन्जरहा र औरैयाको स्थानीयको घरघर पुग्ने प्रयास गरेका हुन् ।

वषर्षसँगै आएको बकैया र जान नदीको बाढीले स्थानीय बासिन्दाहरुको घर डुवानमा परेपछि उनले डुवानपीडितलाई भेटेर समस्या समाधानको प्रतिवद्धता जनाए । 

समस्या सामाधान गर्ने मनासायले बाढी प्रभाबित घर परिवारको सदस्यलाई भेटेर समस्या सामाधान गर्ने प्रयास गरेको मेहताले बताए । स्थानीय प्रसासनको सहायताले  बन्जरहा र औरैयाका ३ सय ५० घरपरिवारलाईसुरक्षित स्थानमा सारिएको उनले जानकारी दिए । 

सो गाउँमा २ देखि ३ फिटसम्म पानी जमेको छ । डुवानमा परेकालाई नेपाल प्रहरी र सशस्त्र प्रहरीको मद्दतबाट सुरक्षित स्थानमा सारिएको मेहताले बताए । 

कोरोना भाइरसको प्रकोपबाट जनतालाइ बचाउन अग्रसरता देखाएका मेहताको यो कार्यलाई स्थानीयले खुलेर प्रसंशा गरेका छ् । बाढी पीडितलाई  भारत सीमा नजिक पर्ने उक्त गाउँको दक्षिणमा रहेको भारतीय बाँधको कारण बर्षेनी बर्षा र बाढीबाट गाउँ डुवानमा पर्दै आएको छ । 

डुवानमा परेका स्थानीयलाई  सुरक्षित स्थानमा सारिएको प्रमुख जिल्ला अधिकारी इन्द्रदेव यादवले जानकारी दिए ।