जाजरकोट- जाजरकोट केन्द्रबिन्दु भई गएको भूकम्पमा परी मृत्यु हुनेको संख्या १३८ पुगेको प्रहरीले जनाएको छ ।
कर्णाली प्रदेश प्रहरी कार्यालयका अनुसार भूकम्पमा परेका मानिसहरूको उद्धारकार्य करिब सकिएको हुँदा प्रहरीले जाजरकोट र रुकुम पश्चिम गरी २ जिल्लमा १३८ मानवीय क्षति भएको हो ।
तर रुकुम पश्चिममा भने मृतको संख्या बढ्न सक्ने प्रहरीले उल्लेख गरेको छ । दुईचार घरमा उद्धार कार्य बाँकी रहेकाले मृतकको संख्या केही बढ्न सक्ने प्रहरीको भनाइ छ ।
दुबै जिल्लामा गम्भीर र सामान्य गरी कम्तीमा डेढ सय जना घाइते भएका छन्। तीमध्ये ३० देखि ३५ जना गम्भीर घाइते छन्।