जेठ २०, २०७९
काठमाडौं । नेपालले आइसीसी यू-१९ महिला टी-ट्वेन्टी विश्वकप एसिया छनोटमा कतारलाई ७९ रनले पराजित गरेको छ ।
मलेसियाको यूकेएम ओभलमा आज नेपालले दिएको ११८ रनको लक्ष्य पछ्याएको कतार १५ दशमलव चार ओभरमा सबै विकेट गुमाउँदै ३८ रनमा समेटियो ।
कतारका लागि कप्तान साची ढड्वाल र श्रुतिबेन कमलेशभाइ रानाले समान १४-१४ रन जोडिन् ।
कतारलाई सस्तैमा समेट्ने क्रममा नेपालकी सृष्टि जैशीले तीन विकेट लिइन् । यस्तै अनु कडायत, कृतिका मरासिनी र स्नेहा महराले दुई-दुई विकेट लिए ।
त्यसअघि पहिले ब्याटिङ गरेको नेपालले २० ओभरमा तीन विकेट गुमाएर ११७ रन बनाएको थियो ।
नेपालका लागि आश्मा पुलामी मगरले अविजित रहँदै ३२ रन बनाइन् । यस्तै सृष्टि जैशीले अविजित २३, सानु राजवंशीले २१ तथा अन्जली विश्वकर्माले ११ रन जोडिन् । किरणकुमारी कुँवरले एक रन मात्र बनाइन् ।
बलिङतर्फ कतारकी साची ढड्वाल र अलिना खानले १-१ विकेट लिए ।
छनोट खेलमा नेपालसहित, आयोजक मलेसिया, संयुक्त अरब इमिरेट्स (युएई), थाइल्याण्ड, भुटान र कतार छन् ।
नेपालले अब दोस्रो खेल युएईविरुद्ध शनिबार खेल्नेछ ।
कात्तिक १४, २०८१
चैत १९, २०८०
कात्तिक १४, २०८१
