जेठ ३०, २०७९
यूईएफए नेसन्स लिग फुटबलमा स्पेनले सहज जित निकालेको छ ।
आइतबार राति भएको खेलमा स्पेनले चेक रिपब्लिकलाई २-० गोल अन्तरले हराएको हो ।
स्पेनको जितमा कार्लोस सोलेर र पाब्लो सराबियाले एक एक गोल गरे ।
खेलको २४ औं मिनेटमा सोलेरले गोल गर्दै स्पेनलाई सुरुआती अग्रता दिलाएका थिए ।
त्यसपछि खेलको ७५ औं मिनेटमा सराबियाले गोल गर्दै स्पेनलाई २-० को जित दिलाए ।
जितसँगै स्पेन लिग ए समूह २ को शीर्ष स्थानमा उक्लिएको छ । स्पेनले ४ खेलमा ८ अंक जोडेको छ । चेक रिपब्लिक ४ खेलमा ४ अंक जोडेर तेस्रो स्थानमा छ ।
नर्वेको जित
नेसन्स लिगअन्तर्गत आइतबार राति भएको अर्को खेलमा नर्वेले स्विडेनलाई ३-२ अन्तरले पराजित गरेको छ ।
रोमान्चक बनेको खेलमा नर्वेलाई जिताउन युवा स्टार खेलाडी अर्लिङ हालान्डले दुई गोल गरे । यस्तै, एलेक्सजेण्डर सोर्लोथले एक गोल गरे । स्विडेनका लागि इमिल फोर्सवर्ग र भिक्टोरले सान्त्वना गोल गरे ।
जितसँगै नर्वेले ४ खेलबाट १० अंक जोड्दै समूह बी४ मा शीर्षस्थानमा छ । स्विडेन ३ अंक जोडेर तेस्रो स्थानमा छ ।
कात्तिक १४, २०८१
चैत १९, २०८०
कात्तिक १४, २०८१
