साउन ०१, २०७९
काठमाडौं । आईसीसी विश्वकप लिग टूको त्रिकोणात्मक सिरिजमा नेपाल फेरि नामिबियासँग पराजित भएको छ।
स्कटल्याण्डको एयरमा शनिबार राति नेपाल नामिबियासँग ६३ रनले पराजित भएको हो । नामिबियाले दिएको २०० रनको लक्ष्य पाएको नेपालले ३७ ओभर ५ बलमा १३६ रन जोड्दा अलआउट भयो ।
नेपालका लागि दीपेन्द्र सिंह ऐरीले सर्वाधिक ३८ रन बनाए । यस्तै आसिफ शेखले ३४ रन जोड्दा आदील आलमले २० रन बनाए ।
रोहित पौडेलले १७ र पवन सर्राफ १० रनमा अविजित रहे । आरिफ शेख ४ रनमा आउट हुँदा देव खनाल र सोमपाल कामीले १/१ रन जोडे । कुशल भुर्तेल, कप्तान सन्दीप लामिछाने र बसिर अहमेदले खाता खोल्न सकेनन् ।
नामिबियाका बेर्नार्ड स्कोल्ट्जले ५ विकेट लिए । जान फ्राईलिंकले ३ विकेट लिए । त्यसअघि टस जितेर पहिले ब्याटिङ गरेको नामिबियाले ४९ ओभर २ बलमा अलआउट हुँदै १९९ रन बनाएको थियो ।
यससँगै नेपाल जारी सिरिजमा नामिबियासँग लगातार दोस्रो खेलमा पराजित भएको छ । सिरिजको पहिलो भेटमा नेपाल नामिबियासँग ४० रनले पराजित भएको थियो ।
सिरिज अन्तर्गत नेपालले अन्तिम खेलमा आज स्कटल्याण्डविरुद्ध खेल्दैछ ।
कात्तिक १४, २०८१
चैत १९, २०८०
कात्तिक १४, २०८१
