कात्तिक ०५, २०७९
काठमाडौं । गएराति भएको खेलमा पिएसजीले सानदार जित निकालेको छ । अर्जेन्टिनी फरवार्ड लियोनेल मेस्सी र फ्रान्सेली फरवार्ड केलियन एमबाप्पे चम्कँदा फ्रेन्च लिग वानमा पिएसजीले सहज जित हात पारेको हो ।
शीर्षस्थानमा रहेको पिएसजीले रेलिगेसन जोनमा संघर्ष गरिरहेको एसी एजासियोलाई उसकै मैदानमा ३–० ले पराजित गरेको हो । पिएसजीको जितमा एमबाप्पेले दुई तथा मेस्सीले एक गोल गरे ।
यता, वैकल्पिक खेलाडीका रुपमा मैदान छिर्न नमान्दै रोनाल्डोले मैदान छाडेपछि कारबाही गर्ने प्रशिक्षकले बताएका छन् । म्यानचेस्टर युनाइटेडका प्रशिक्षक एरिक टेन हागले पोर्चुगिज फरवार्ड क्रिस्टियानो रोनाल्डोलाई कारवाही हुने बताएका छन् ।
म्यानचेस्टर युनाइटेड र टोटेनह्यामबीच भएको खेल जिते पनि रोनाल्डोले खेलेनन् । रोनाल्डोले यस सिजन युनाइटेडका लागि सुरुवाती रोजाइमा खासै अवसर पाएका छैनन् । प्रशिक्षक टेन हागसँग राम्रो सम्बन्ध नभएका कारण यस्तो बताइएको छ ।
कात्तिक १४, २०८१
भदौ २५, २०८१
कात्तिक १४, २०८१
