कात्तिक १५, २०७७
ओखलढुंगा - ओखलढुंगाको खिजीदेम्वा गाउँपालिकाले कृषि तथा पशु सेवा विशेष सहयोग कार्यक्रम सञ्चालन गर्ने भएको छ । यसका लागि गाउँपालिकाले नेपाल कृषि सेवा विकास कार्यक्रमसँग अनुदान सहायतासम्बन्धी सम्झौता गरिसकेको छ ।
मंसिरभित्र सम्पन्न हुने गरी परियोजना सम्झौता गरेर कृषि समूह तथा कृषि सहकारीबाट प्रस्ताव माग गरिएको गाउँपालिका अध्यक्ष वेदबहादुर रोकाले जानकारी दिए । उक्त परियोजना ४९ लाख १७ हजार ५ सय रुपैयाँको हुने रोकाले बताए ।
व्यावसायिक तरकारी खेती, कृषि उपज संकलन गर्न गाउँपालिकामा दर्ता भई सञ्चालनमा रहेका कृषक समूह र कृषि सहकारीले अनुदान पाउनेछन् ।
समूहमा आबद्ध कृषकलाई व्यावसायिक कृषिमा प्रोत्साहन गर्न र आत्मनिर्भर बनाउन परियोजनाले सहयोग पुर्याउने गाउँपालिकाले जनाएको छ ।
यस्तै, पशुपालन गर्दै आएका किसानलाई परियोजनाअन्तर्गत अनुदान दिने व्यवस्था छ । ‘वडा-वडाबाट प्रस्ताव माग गरेर छनोट गरी मापदण्डअनुसार अनुदान दिन्छौं’, अध्यक्ष रोकाले भने ।
परियोजनाबाट गाउँपालिकाका ९ वटै वडाका व्यावसायिक तरकारी खेती र पशुपालन गर्दै आएका समूहमा आबद्ध किसान लाभान्वित हुनेछन् ।
चैत २२, २०८०
फागुन ३०, २०८०
बैशाख २९, २०८१
बैशाख २७, २०८१
बैशाख २४, २०८१
बैशाख १९, २०८१
बैशाख १९, २०८१
