कात्तिक १५, २०७७
हुम्ला - हुम्लाको अदानचुली गाउँपालिकामा गत २० असोजबाट अवरुद्ध टेलिफोन सेवा शुक्रबारबाट सामान्य रुपमा सञ्चालनमा आएको छ । टावरमा कतै खराबी नभएकाले केन्द्रीय कार्यालय काठमाडाैबाट सेटिङ गरिएको हो ।
शुक्रबार बिहानदेखि सामान्य चलेको टेलिफोन अझै पनि पूर्ण रुपमा मर्मत भइनसकेकाले १/२ दिनमै सञ्चालनमा आउने नेपाल टेलिकमका प्राविधिक अधिकृत राम खातीले जानकारी दिए ।
टेलिफोन अवरुद्ध हुँदा यहाँका स्थानीय जिल्लाबाहिर र अन्तरपालिकामा रहेका आफन्तसँग सञ्चारमा जोडिन सकेका थिएनन् । टेलिफोन सञ्चालनमा आएसँगै १ महिनापछि फोन सम्पर्क गर्न पाएको स्थानीय राजु पार्कीले जानकारी दिए ।
१ महिनादेखि टेलिफोन सेवा अवरुद्ध भएको समाचार पालिका खबरमा प्रकाशित भएसँगै टेलिफोन सेवा सञ्चालनमा आएको हो ।
फागुन ११, २०८०
फागुन ०८, २०८०
माघ १२, २०८०
कात्तिक १४, २०८१
