असोज २४, २०८०
कैलाली- धनगढी उपमहानगरपालिकाले बजार अनुगमनको क्रममा लेभलिङ नगरी आइक्रिम बिक्री गरेको भेटेपछि धनगढी- नम्बर १ लक्ष्मीनगरस्थित बालाजी आइसक्रिम उद्योगलाई जरिवाना गरेको छ ।
उपमहानगरपालिकाले मंगलबार बजार अनुगमन गर्दा आइसक्रिमको खोल बाहिर उत्पादन मिति र म्याद सकिने मिति नभएका (लेभलिङ नगरिएका)ले दुई हजार रुपैयाँ जरिवाना गरिएको धनगढी उपमहानगरपालिका बजार अनुगमन टोलीका संयोजक नारायणप्रसाद शर्माले पालिकाखबरलाई बताए ।
उक्त उद्योगलाई आगामी दिनमा बिक्री वितरण गर्दा मिति राखेर बेच्न सुझाव समेत दिएको उनले बताए । उनका अनुसार पहिलो पटक भएकाले सम्झाई बुझाई गरेर सामान्य जरिवानामात्र लिएको र आगामी दिनमा पनि यो कार्य गरेको फेला पारे कानुनअनुसार कारबाही गरिने उपमहानगरपालिकाले जनाएको छ ।
फागुन ११, २०८०
फागुन ०८, २०८०
माघ १२, २०८०
कात्तिक १४, २०८१
