असार १९, २०७८
काठमाडौं– नेपालका लागि टाटा मोटर्सको आधिकारिक वितरक सिप्रदी ट्रेडिङ प्रालिले नेपालमा टाटाको नेक्सन इलेक्ट्रिक एसयूभी गाडीको बुकिङ खुला गर्ने भएको छ । आकर्षक बनावटको यो गाडीमा टिकाउ ब्याट्री भएकाले लामो दूरीको यात्रामा पनि सहज हुने कम्पनीको दाबी छ ।
सन् २०२० जनवरीबाट भारतमा बिक्री सुरु भएको यो गाडीले विद्युतीय गाडी बजारको ६५ प्रतिशत हिस्सा ओगट्न सफल भएको कम्पनीले बताएको छ । नेपालमा उत्कृष्ट विद्युतीय गाडीसँगै ब्याट्रीको वारेन्टी, विभिन्न स्थानमा चार्जिङ स्टेसनलगाय सुविधा विस्तार गर्ने योजना कम्पनीको छ ।
‘वातावरणमैत्री यो गाडी सुविधाजनक यात्रा र सुरक्षालाई ध्यान दिई तयार पारिएको छ । नेपाली ग्राहकले गाडीलार्ई विश्वास गर्ने अपेक्षा गरेका छौं,’ टाटा पेसेन्जर भेहिकल युनिटको अन्तर्राष्ट्रिय व्यापार प्रमुख मायांक बाल्डीले भने ।
सिप्रदी ट्रेडिङका प्रमुख कार्यकारी अधिकृत राजनबाबु श्रेष्ठले नेक्सन इलेक्ट्रिक एसयूभी गाडी वातावरणमैत्री, अत्याधुनिक सुविधासम्पन्न र आरामदायी रहेको जानकारी दिए ।
इम्प्याक्ट डिजाइन २.० अवधारणाअन्तर्गत तयार पारिएको यसको बनावट आकर्षक छ । गाडीको भित्री भाग फराकिलो हुुनुका साथै ध्वनि प्रदुषण नियन्त्रण गर्न सक्ने व्यवस्था छ । सात इन्चको हर्मन इन्फोटेन्मेन्ट प्रणाली भएको नेक्सनमा एन्ड्रोएड अटो र एप्पल प्ले पनि प्रयोग गर्न सकिन्छ ।
३०.२ केडब्लुएचको उच्च क्षमतायुक्त लिथियम आयोन ब्याट्री भएको यो गाडीको टर्क क्षमता २४५ एनएम छ । नेक्सन ईभी ९.९ सेकेन्डमै ० देखि १०० किलोमिटर प्रतिघन्टाको रफ्तारमा गुड्न सक्छ ।
एक पटक चार्ज गरेपछि यो गाडीले बिनाझन्झट २०० देखि २५० किलोमिटरको दूरीसम्म पार गर्न सक्छ । ग्लोबल एनक्याप रेटिङअनुसार उक्त गाडीमा सुरक्षाका लागि अत्याधुनिक प्रविधि जडान गरिएको कम्पनीले जनाएको छ ।
फागुन १०, २०७८
फागुन ०२, २०७८
माघ ०७, २०७८
कात्तिक १४, २०८१
