कात्तिक १७, २०७८
काठमाडौं–टाटा मोटर्सले अक्टोबर २०२१ मा ३३,९२६ युनिट गाडी उत्पादन गरी गरी बिक्रीमा नयाँ उपलब्धि हासिल गरेको छ । गत वर्ष यही अवधिमा २३,६०० युनिट्सको तुलनामा ४४ प्रतिशतले वृद्धि भएको थियो ।
अघिल्लो महिना अर्थात् सेप्टेम्बर २०२१ को तुलनामा २५,७२७ युनिट्ससहित ब्रान्डले भारतमा ३२ प्रतिशत वृद्धि गरेको छ । कम्पनीले एक दशकभन्दा बढी समय ब्रान्डका लागि काम गरिरहँदा सन् २०२० को यही अवधिमा सबैभन्दा धेरै ७.४ प्रतिशत प्रगति हासिल गरेको थियो ।
अहिले ६.४ प्रतिशतको वृद्धि थपेर घरेलु निर्माताले अघिल्लो महिना १३.७ प्रतिशत बजार हिस्सा बढाएको छ । कम्पनीले लगातार ३ अंकको बिक्री वृद्धि गरिनुलाई ठूलो उपलब्धि मानेको छ । कम्पनी अघिल्लो महिना सबै कार निर्माताबीच ६.४ प्रतिशतको बजार हिस्सेदारी वृद्धि गर्दै मारुती, सुजुकी र हुन्डाईपछि समग्र बिक्री तालिकामा तेस्रो स्थानमा रहन सफल भएको छ ।
टाटाले केही सातापहिले बजेटमैत्री पन्च माइक्रो एसयुभी बजारमा बिक्री सुरु गरिसकेको छ । यसले मासिक बिक्री–चार्टमा लामो समयसम्म दोस्रो स्थानमा रहेको हुन्डाईस“गको बिक्री अन्तरलाई घटाउन मद्दत गर्ने अपेक्षा कम्पनीको छ ।
अहिले सुरक्षा रेटिङमा फाइभ–स्टार ग्लोबल एनक्याप प्राप्त सबैभन्दा किफायतीे कार पन्चलाई मानिएको छ । यो १.२ लिटर थ्री–सिलिन्डर रेभोट्रोन इन्जिनद्वारा सञ्चालित छ, जसले ८६ पीएस म्याक्सिमम पावर र ११३ एनएम पिक टर्क दिन्छ । यो कारमा स्ट्यान्डर्डका रूपमा फाइभ स्पिड म्यानुअल ट्रान्समिसन र विकल्पका रूपमा फाइभ स्पिड एमटी जडान गरिएको छ ।
अल्ट्रोज, नेक्सन र टियागोले पनि लगातार बिक्री बढाउँदै नयाँ रेकर्ड कायम गरिरहेको कम्पनीले दाबी गरेको छ । यो वर्षको सुरुमा टाटाले थ्री–रो सफारी लन्च गर्योे, जसमा डार्क एडिसनका कारण लाइनअपमा चमक थपिएको छ । नेक्सन–ईभी भारतमा सबैभन्दा अधिक बिक्री हुने कार हो, जसले शून्य उत्सर्जन गर्छ ।
नेपालमा टाटा मोटर्सको आधिकारिक बिक्रेता सिप्रदी ट्रेडिङ कम्पनी हो ।
फागुन १०, २०७८
फागुन ०२, २०७८
माघ ०७, २०७८
कात्तिक १४, २०८१
