चैत १२, २०८०
फागुन ०९, २०८०
इलाम - रोङ गाउँपालिकाले चालु आर्थिक वर्षमा दुई किलोमिटरभन्दा बढी पक्की नाली निर्माण गर्ने भएको छ । गाउँपालिकाले प्रधानमन्त्री रोजगार कार्यक्रम अन्तरगत दुई हजार २२० मिटर पक्की नाली निर्माण गर्न लागेको हो ।
गाउँपालिकाका अध्यक्ष मणिकुमार स्याङ्बोका अनुसार गाउँपालिकाको वडा नम्बर १ मा २६१ मिटर, २ मा ६९३ मिटर, ३ मा १३५ मिटर, ४ मा १५१ मिटर, ५ मा ५०५ मिटर र ६ मा ४७५ मिटर गरी सो पक्की नाली निर्माण गर्न लागेको हो । सोका लागि कार्यक्रममा सहभागी हुने दक्ष जनशक्तिलाई बुधबार अभिमुखीकरण गरेको उनले पालिकाखबरलाई सुनाए ।
दिगो विकासको लागि सुब्यवस्थित ढंगले निर्माण कार्य अघि बढाउनका लागि अभिमुखीकरण गरिएको उनको भनाइ छ । गाउँपालिकाले गत वर्ष पनि सो प्रधानमन्त्री रोजगार कार्यक्रममार्फत वडा नम्बर ५ मा १७५ मिटर र रोङ वडा न २ मा ३९१ मिटर गरी ५६४ पक्की नाली निर्माण गरेको उनले सुनाए । सो नाली प्रभावकारी भएकोले चालु आवमा पनि पुन थप नाली निर्माण गर्न लागेको उनको भनाइ छ ।
चैत २३, २०८०
