अमेरिकाको टेक्सासमा अन्धाधुन्ध गोली चल्दा १८ जना बालबालिकासहित कम्तीमा २१ जनाको मृत्यु भएको छ । मृत्यु हुनेमा शिक्षक पनि छन् । रब एलिमेन्ट्री स्कुलमा १८ वर्षीय साल्भाडोर रामोस नाम गरेको बन्दुकधारीले हमला गर्दा उनीहरूको मृत्यु भएको राज्यका गभर्नरले जानकारी दिएका छन् । 

पछिल्लो हमला  वर्षौंपछि  देशको सबैभन्दा डरलाग्दो आक्रमण हो । उक्त विद्यालयमा सातदेखि १० वर्षका बालबालिका अध्ययन गर्छन् ।

आक्रमणकारीको पनि मृत्यु भएको छ । कानुन पालना गराउने अधिकारीको कारबाहीमा उनी मारिएको प्रारम्भिक विवरणमा जनाइएको छ । राष्ट्रपति जो बाइडनले मृतकहरूको सम्झनामा तीन दिनसम्म राष्ट्रिय झन्डा आधा झुकाउन निर्देशन दिएका छन् ।