भदौ २५, २०८१
असोज १४, २०७९
धनकुटा । पाख्रीबास नगरपालिकाका प्रमुख प्रशासकीय अधिकृत प्रकाशराज पौडेललाई धनकुटाका एमाले नेता एव निवर्तमान प्रतिनिधिसभा सदस्य राजेन्द्र राईले ज्यान लिने धम्की दिएका छन् ।
यस्तो छ पूरा कुराकानी :
राजेन्द्र राई : हेलो
प्रप्रअ पौडेल : हजुर माननीयज्यू, नमस्कार हजुर
राजेन्द्र राई : ए हाकिम साप
प्रप्रअ पौडेल : हजुर, नमस्कार हजुर
राजेन्द्र राई : तनहुँबाट आएर मेरो ठाउँमा शासन गर्ने ?
प्रप्रअ पौडेल : के... के भएछ हजुर ?
राजेन्द्र राई : तपाई जानु अब तुरुन्त अब, तपाईंलाई ठिक लाइदिन्छु नि ! फेरि, तपार्इंको छोराछोरी रोलान्, ख्याल गर्नु, तपाईंले एकदमै हेप्नुभएको छ हामीलाई, नहेप्नू नि !
प्रप्रअ पौडेल : के गरेँ मैले हजुर त्यस्तो ?
राजेन्द्र राई : तपाईं तुरुन्त जानु न, डबल कुरा नगर्नूस्, खुरुक्क जानूस्, तपाईंलाई भन्देको छु नि ! तपाईंको अस्तित्व समाप्त पारिदिन्छु । तपाईंले कम अत्याचार गर्नुभएको छ त्यहाँ ? तपाईंको म हेर्दैछु । तपाईंलाई कसैले रोक्न सक्दैन । शेरबहादुर देउवा, रामचन्द्र पौडेल आए पनि रोक्न सक्दैन । खुरुक्क जानूस् । सरुवा लिएर जानूस् । पछि कुनै घटना घट्यो भने मलाई केही नभन्नूस् । मेरो ठाउँमा आएर तपाईं दादागिरी चलाउने ?
प्रप्रअ पौडेल : के गरेँ मैले ? के गरेँ भन्नुन त ?
राजेन्द्र राई : तपाईंजस्तो मान्छे कत्तिलाई मैले झुण्डाएर हान्दिएको छु । थाहा छ ? म आउँछु कुनैदिन । तपाईंले डँडाल्नो दह्रो बनाएर राख्ने कुरो यत्ति क्लियर हो । तपाईं जानूस् ।
प्रप्रअ पौडेल : हैन, मैले के गरेँ र ! माननीयज्यू ?
राजेन्द्र राई : तपाईं खुरुक्क जानूस्, यस्ता कुरा नगर्नूस्, मेरो ठाउँमा आएर तपाईं शासन गर्ने ? फुर्ती लगाउने ? ल फुर्ती लगाउनु त, म देखाइदिन्छु ।
कात्तिक १४, २०८१
