जेठ २१, २०७८
देशभर पालिकामा के भए ? जनप्रतिनिधिले के काम गरे ? कहाँ कसले कस्ता गतिविधि गरे ? दिनभरका खबर
१) खोटाङको खोटेहाङ गाउँपालिकाका जनप्रतिनिधि कोरोना संक्रमित भेट्न घरघरमा पुग्न थाले, दिप्रुङ चुइचुम्मा गाउँपालिका अध्यक्ष भूपेन्द्र राई बिरामीको उद्धारमा आफैँ खटिँदै ।
२) रूपन्देहीको सैनामैना नगरपालिकाको कोभिड अस्पताललाई स्वास्थ्य सामग्री खरिदका लागि रकम सहयोग गर्नेहरू बढ्दै, संघ-संस्था र व्यक्तिले सहयोग गर्दै ।
३) कोरोना संक्रमणका कारण रौतहटको गरुडा नगरपालिकाका-२ का वडाध्यक्ष विसुनदेव सहनीको निधन, निमोनिया र कोरोना संक्रमण पुष्टि भएपछि सहनीलाई काठमाडौंको सिभिल अस्पतालमा गरिएको थियो भर्ना ।
४) कोरोना परीक्षणको दायरा बढाउँदै सोलुखुम्बुको सोलुदूधकुण्ड नगरपालिका, पालिकाले टोलटोलमा पुगेर स्वास्थ्य सामग्री वितरण गर्न थाल्याे।
५) बाराको निजगढ नगरपालिकाको २ र ३ नम्बर वडाको प्री फ्याब कोरियन प्रविधिको कार्यालय भवन निर्माण हुने, नगरप्रमुख सुरेश खनालले गरे भवनको शिलान्यास ।
६) ताप्लेजुङको मैवाखोला गाउँपालिकाद्वारा कोरोना संक्रमितलाई तीन हजार रुपैयाँका दरले भत्ता र संक्रमणबाट मृत्यु हुनेको परिवारलाई २५ हजार रुपैयाँ उपलब्ध गराउने निर्णय ।
७) टोल-टोलमा पुगेर कोरोना परीक्षण गर्दै काठमाडौं महानगरपालिका, महानगरले लक्षण देखिएकाहरूको कोरोना परीक्षण गर्ने ।
८) स्याङ्जाको गल्याङ नगरपालिकालाई बुटवल पावर कम्पनी र आँधीखोला जलविद्युत् केन्द्रले प्रदान गर्यो विभिन्न स्वास्थ्य सामग्री, पालिकाले कोरोना परीक्षणको दायरा पनि बढायो ।
९) काभ्रेको पनौती नगरपालिकाद्वारा नागरिक आरोग्य सेवा केन्द्रलाई विभिन्न प्रकारका आयुर्वेदिक औषधी प्रदान, अब सेवा केन्द्रले औषधी पालिकावासीलाई वितरण गर्ने ।
१०) कोरोना संक्रमित श्रीमतीको उपचार गर्न नआएको भन्दै हुम्लाको चंखेली गाउँपालिकाका स्वास्थ्य संयोजक कालीबहादुर बुढालाई शिक्षक अमृत रोकायाले गरे हातपात, हुम्लामा संक्रमित बढ्दै ।
११) कोरोना रोकथाम र नियन्त्रणका लागि सेभ द चिल्ड्रेनले काभ्रेको धुलिखेल नगरपालिकालाई दियो विभिन्न स्वास्थ्य सामग्री, नगरप्रमुख अशोक ब्याञ्जुले बुझे स्वास्थ्य सामग्री ।
१२) ढुंगा, गिटी र बालुवा उत्खननका लागि तीन पटक सूचना प्रकाशित गर्दा पनि बोलपत्र नपरेपछि तनहुँको देवघाट गाउँपालिकाले एक कम्पनीलाई दियो संकलनको अनुमति, सन्ध्या सन्देश निर्माण सेवाले पायो अनुमति ।
१३) दाङको घोराही उपमहानगरपालिकाले समुदायमै पुगेर निःशुल्क कोरोना परीक्षण गर्न थाल्यो, १९ वटै वडामा रहेका कोरोना संक्रमितको स्वास्थ्य अवस्था बुझ्न घरघरमा स्वास्थ्यकर्मी परिचालन ।
१४) सुर्खेतको वीरेन्द्रनगर नगरपालिकाले समुदाय स्तरमै कोरोना परीक्षण सुरु गर्यो, २३ जेठसम्म अति प्रभावित क्षेत्रको स्वाब संकलन तथा परीक्षण गरिने ।
१५) कोरोना संक्रमितको स्वास्थ्य सेवाको लागि खोटाङको हलेसी तुवाचुङ नगरपालिकाका जनप्रतिनिधि र स्वास्थ्यकर्मी घरघरमा पुग्न थाले, संक्रमितलाई स्वास्थ्य सामग्री पनि प्रदान ।
१६) कालीकोटको तिलागुफा नगरपालिकाले १० शय्याको नगर अस्पताल निर्माण गर्यो, अस्पतालले सेवा दिन थालेपछि नगरबासी दंग ।
१७) रामेछाप नगरपालिकाले आगामी आर्थिक वर्षको वार्षिक नीति, कार्यक्रम तथा बजेट निर्माणका लागि पालिकाबासीसँग माग्यो राय सुझाव, राय सुझाव २९ जेठभित्र पालिकामा पठाउनुपर्ने ।
१८) मोरङको लेटाङ नगरपालिकाले कोरोना परीक्षणको दायरा बढायो, जनप्रतिनिधि पनि कोरोना नियन्त्रणमा सक्रिय ।
१९) अक्सिजन प्लान्ट स्थापना गर्न झापाको कन्काई नगरपालिकालाई सहयोग जुट्दै, व्यक्ति र संघ-संस्थाले रकम सहयोग गर्दै ।
२०) डोल्पाको डोल्पो बुद्ध र शे-फोक्सुन्डो गाउँपालिकामा रुघाखोकी र ज्वरोका बिरामी घरघरमा फेला परे, बिरामीमा कोरोनासँग मिल्दोजुल्दो लक्षण देखिएपछि गाउँले त्रसित ।
चैत २४, २०८०
चैत १३, २०८०
बैशाख २९, २०८१
बैशाख २४, २०८१
बैशाख २७, २०८१
बैशाख १९, २०८१
बैशाख १९, २०८१
