असोज १७, २०७८
देशभर पालिकामा के भए ? जनप्रतिनिधिले के काम गरे ? कहाँ कसले कस्ता गतिविधि गरे ? दिनभरका खबर
१) खोटाङको साकेला गाउँपालिकाले लाभग्राहीलाई आर्थिक वर्ष २०७८/७९ को प्रथम त्रैमासिक रकम वितरण गर्न थाल्यो, भत्ता बाँड्न वडा-वडामा शिविर सञ्चालन ।
२) धनुषाको सबैला नगरपालिकाले आर्थिक अनियमितता गरेको स्थानीयको आरोप, सूचना माग्न संघर्ष समिति गठन गरेर रिले अनशनसहितको आन्दोलन जारी, स्थानीयले निकाले भैँसी जुलुुस ।
३) खोटाङको दिक्तेल रुपाकोट मझुवागढी नगरपालिकाको अस्पताल चोकदेखि लफ्याङसम्मको सडक खण्डमा ग्राबेलिङको काम सुरु, आवतजावतमा सहज हुने ।
४) गुल्मीको रेसुंगा नगरपालिकालको तम्घास बजार क्षेत्रभित्र प्रशासनले विहान ९ देखि ११ बजेसम्म ठूला सवारी साधन सञ्चालनमा रोक लगायो, सवारीको चाप व्यवस्थापन गर्न पालिकाले नगर प्रहरी पनि खटाउने ।
५) चाडपर्व नजिकिएसँगै पालिकाहरुले बजार अनुगमनलाई दिए प्राथमिकता, अनुगमनका क्रममा म्याद गुज्रेका सामान बरामद ।
६) कैलालीको जानकी गाउँपालिकाद्वारा पशुपालक कृषकलाई विभिन्न औषधीलगायतका सामग्री र घाँसको बिउ वितरण, निःशुल्क औषधी पाउँदा कृषक दंग ।
७) रौतहटको गरुडा नगरपालिकाको नगरसभा सम्पन्न, सभाले गर्यो विभिन्न महत्वपूर्ण निर्णय, उपप्रमुख रंगिलाकुमारी जयसवालद्वारा सभा वहिष्कार ।
८) अर्घाखाँचीको सन्धिखर्क नगरपालिकाद्वारा उपभोक्ता हकहितका विषयमा सरोकारवालासँग छलफल सम्पन्न, बजार अनुगमनलाई निरन्तरता दिन सहभागीले दिए सुझाव ।
९)स्थानीय तहमा कार्यरत अस्थायी, करार तथा ज्यालादारी कर्मचारीले आन्तरिक मूल्यांकन गरी स्थायी गर्न माग अघि सारे, कर्मचारीले प्रधानमन्त्री शेरबहादुर देउवालगायतलाई भेटेर ज्ञापनपत्र बुझाए ।
१०) आफ्ना नागरिकलाई कोरोनाविरुद्धको खोप लगाउँदै स्थानीय तह, खोप लगाउन पालिकाले तोके केन्द्र ।
११) ४० माइक्रोनभन्दा पातला प्लास्टिकका झोला उत्पादन तथा बिक्री वितरणमा पूर्वी नवलपरासीको देवचुली नगरपालिकाले लगायो रोक, निर्णय अटेर गर्नेलाई कारबाही गरिने ।
१२) रूपन्देहीको तिलोत्तमा नगरपालिकाद्वारा १७ वटै वडामा रेविजबिरुद्धको निःशुल्क खोप अभियान सञ्चालन, अभियान १८ असोजसम्म चल्ने ।
१३) सुर्खेतको भेरीगंगा नगरपालिकामा भवन निर्माण मापदण्ड २०७२ लागू हुनु पूर्व बनेका घरको अभिलेखिकरण गर्नुपर्ने, अभिलेखिकरणका लागि असोज मसान्तसम्म आवेदन दिनुपर्ने ।
१४) बर्दियाको ठाकुरबाबा नगरपालिकाको आर्थिक सहयोग र पर्यापर्यटन विकास मञ्चको आयोजनामा प्रकृति पथ प्रदर्शकलाई अंग्रेजी भाषाको तालिम दिन सुरु, तालिम एक महिनासम्म चल्ने ।
१५) कपिलवस्तुको मायादेवी गाउँपालिकाले एक जना मनोसामाजिक परामर्शकर्ता नियुक्त गर्न विज्ञापन प्रकाशन गर्यो, इच्छुकले २० असोजसम्म पालिकामा दरखास्त बुझाउनुपर्ने ।
१६) चितवनको राप्ती नगरपालिका वडा नम्बर ४ को कार्यालद्वारा स्वास्थ्य सेवा केन्द्रलाई सेनेटरी प्याड हस्तान्तरण, अब केन्द्रले प्याड निःशुल्क वितरण गर्ने ।
१७) कोरोना संक्रमणबाट डडेल्धुराको अगरगढी नगरपालिका वडा नम्बर ५ का वडा सदस्य जगन्नाथ ओझाको निधन, शोकमा पालिका र वडा कार्यालय बन्द ।
१८) कास्कीको अन्नपूर्ण गाउँपालिकाले ५० प्रतिशत अनुदानमा कृषकलाई जै घाँसको बिउ वितरण गर्ने, बिउ लिन कृषकले वडा कार्यालय र पशु सेवा कार्यालयमा सम्पर्क गर्नुपर्ने ।
१९) बैतडीको पुर्चौडी नगरपालिकाको धौनाखोलीमा अस्थायी प्रहरी चौकी स्थापना, आपराधिक क्रियाकलाप नियन्त्रणमा आउने विश्वास ।
२०) सुरक्षित आवास निर्माण गर्न दाङको बबई गाउँपालिकाद्वारा डकर्मीका लागि सञ्चालन गरिएको एक हप्ते तालिम सम्पन्न ।
चैत २४, २०८०
चैत १३, २०८०
बैशाख २९, २०८१
बैशाख २७, २०८१
बैशाख १९, २०८१
बैशाख २४, २०८१
बैशाख १९, २०८१
