असोज १८, २०७८
देशभर पालिकामा के भए ? जनप्रतिनिधिले के काम गरे ? कहाँ कसले कस्ता गतिविधि गरे ? दिनभरका खबर
१) दाङका भक्त डाँगीले बबई गाउँपालिकाको प्रांगणमा तीन दिने भोक हडताल सुरु गरे, पालिकाको समग्र विकासको माग ।
२) चाडपर्व नजिकिएसँगै पालिकाहरूले बजार अनुगमनलाई दिए प्राथमिकता, अनुगमनका क्रममा म्याद गुज्रेका सामान बरामद ।
३) जुम्लाको तातोपानी गाउँपालिकाका २६ सय विद्यार्थीलाई स्वअध्ययन पुस्तिका वितरण, अभिभावकलाई पनि सन्देश मूलक सामग्री प्रदान ।
४) लाभग्राहीलाई बाल पोषण भत्ता खाता खोल्न सिरहाको धनगढीमाई नगरपालिकाले जारी गर्यो सूचना, वडा कार्यालयबाट परिचयपत्र बनाई एनसीसी बैंकमा खाता खोल्नुपर्ने ।
५) सिन्धुलीको घ्याङलेख गाउँपालिकाले सडक सरसफाइ तथा मर्मत गर्ने, इच्छुक निर्माण व्यवसायी तथा फार्मले पालिकामा दररेट पेस गर्नुपर्ने ।
६) रुकुम पश्चिमको चौरजहारी नगरपालिकाले कृषकलाई मासिक एक हजार रुपैयाँ पेन्सन दिने, पेन्सन दिन कृषकबाट निवेदन संकलन ।
७) बर्दियाको बाँसगढी नगरपालिकाले ५० प्रतिशत अनुदानमा कृषकलाई च्याउको बिउ वितरण गर्ने, बिउ लिन कृषकले कृषि शाखा र सेवा केन्द्रमा सम्पर्क गर्नुपर्ने ।
८) पर्वतको जलजला गाउँपालिकाले सबै विद्यालयलाई ल्यापटप र प्रिन्टर गर्यो वितरण, ४४ वटा विद्यालयलाई सामग्री प्रदान ।
९) धनुषाको सबैला नगरपालिकाले आर्थिक अनियमितता गरेको स्थानीयको आरोप, सूचना माग्न संघर्ष समिति गठन गरेर रिले अनशनसहितको आन्दोलन जारी ।
१०) काभ्रेको नमोबुद्ध नगरपालिकाले नगर प्रहरी करारमा भर्ना गर्ने, इच्छुकले १५ दिनभित्र पालिकामा दरखास्त बुझाउनुपर्ने ।
११) देशका अधिकांश पालिकामा कोरोनाविरुद्धको खोप लगाइँदै, खोप लगाउन पालिकाले तोके केन्द्र ।
१२) राष्ट्रिय जनगणनाअन्तर्गत पहिलो चरणको घर तथा घरपरिवार सूचीकरणको काम सम्पन्न, मूल जनगणना आउँदो २५ कात्तिकदेखि ९ मंसिरसम्म हुने ।
१३) दाङको गढवा गाउँपालिकाले ५० प्रतिशत अनुदानमा कृषकलाई आलुको बिउ वितरण गर्ने, बिउ लिन कृषकले वडा कार्यालयमा सम्पर्क गर्नुपर्ने ।
१४) लमजुङको सुन्दरबजार नगरपालिकाले प्राविधिक सहायक पदको नतिजा निकाल्यो, तनहुँको भानु नगरपालिकाका सुमन पोखे्रललाई करार सम्झौता गर्न आउन पालिकाद्वारा सूचना जारी ।
१५) खोटाङको साकेला गाउँपालिकाले लाभग्राहीलाई आर्थिक वर्ष २०७८/७९ को प्रथम त्रैमासिक रकम वितरण गर्न थाल्यो, भत्ता बाँड्न वडा–वडामा शिविर सञ्चालन ।
१६) उदयपुरको चौदण्डीगढी नगरपालिकामा रहेको कोभिड अस्पताल बन्यो कोरोनामुक्त, जिल्लाका आठ स्थानीय तहको संयुक्त लगानीमा निर्माण भएको थियो अस्पताल ।
१७) काठमाडौंको नागार्जुन नगरपालिकाको नगर कार्यपालिकाको बैठक सम्पन्न, बैठकले गर्यो विभिन्न महत्वपूर्ण निर्णय ।
१८) सर्लाहीको हरिपुर नगरपालिकाले कृषकलाई ५० प्रतिशत अनुदानमा गहुँको बिउ वितरण गर्ने, बिउ लिन कृषकले ३० दिनभित्र निवेदन पेस गनुपर्ने ।
१९) काभ्रेको पनौती नगरपालिकाले किसानको गोठ मै पुगेर मनायो विश्व पशु दिवस, पशुपालनका क्षेत्रमा लगानी बढाउँदै पालिका ।
२०) धनुषाको शहिदनगर नगरपालिकाको समन्वयमा जानकी आँखा अस्पताल लगायतद्वारा निःशुल्क आँखा उपचार शिविर आयोजना ।
चैत २४, २०८०
चैत १३, २०८०
बैशाख २९, २०८१
बैशाख २४, २०८१
बैशाख १९, २०८१
बैशाख २७, २०८१
बैशाख १९, २०८१
