दैलेख– दैलेखको आठबिस नगरपालिकाभित्रका महिलालाई विभिन्न सीपमूलक तालिम दिएर आत्मनिर्भर बनाउन फाइबर ब्याग सीप विकास तालिम दिइएको छ । उद्योग तथा उपभोक्ता हित संरक्षण दैलेखको आयोजना तथा आठबिस नगरपालिकाको समन्वयमा उक्त तालिम दिइएको हो । आर्थिक रूपमा सक्षम नहुँदा पछि परेका महिलालाई स्वरोजगार बनाउने उद्देश्यले तालिम दिइएको उद्योग तथा उपभोक्ता हित संक्षण दैलेखका सहायक लेखा अधिकृत भरत खत्रीले बताए ।

सीप विकास तालिमअन्तर्गत पहिलो चरणमा १० बढी महिलालाई १५ दिने फाइबर ब्याग सम्बन्धी बनाउने तालिम दिइएको खत्रीको भनाइ छ । सीपमूलक तालिम सञ्चालन गर्न नगरपालिकाले १० वटा सिलाइ–कटाइ मेसिन खरिद गरेको छ । तालिममा विपन्न समुदाय, आदिवासी जनजाति र दलित समुदायका महिलालाई समेटिएको उद्योग तथा उपभोक्ता हित संरक्षण कार्यालय दैलेखले जनाएको छ ।