बैशाख २९, २०७९
कपिलवस्तु । सोमबार नेपाल आउन लागेका भारतीय प्रधानमन्त्री नरेन्द्र मोदीको सम्मानमा प्रधानमन्त्री शेरबहादुर देउवाले लुम्बिनीमा दिवा भोजको आयोजना गर्ने भएका छन् ।
प्रधानमन्त्री देउवाको निमन्त्रणामा सोमबार बुद्ध जयन्ती मनाउन लुम्बिनी आउन लागेका भारतीय प्रधानमन्त्री मोदी सोही दिन स्वदेश फर्कने कार्यक्रम तय गरिएको छ ।
मोदीको भ्रमणको सुरक्षा प्रबन्ध मिलाउन भारतीय वायु सेनाका अधिकारीहरू बुधबार नै लुम्बिनी आइसकेका छन् ।
लुम्बिनीमा मोदी र देउवाले मायादेवी मन्दिरमा पूजा अर्चना गर्ने छन् भने बिहार क्षेत्रमा बौद्ध संस्कृति र सम्पदा केन्द्रको शिलान्यास गर्नेछन्।
यस्तै परराष्ट्र मन्त्री नारायण खड्काले समेत मोदीसँग शिष्टाचार भेट गर्नेछन्। प्रधानमन्त्री देउवा र मोदीबिच दुई पक्षीय औपचारिक वार्ता हुने परराष्ट्र मन्त्रालयले जनाएको छ।
प्रधानमन्त्रीका रूपमा मोदीको यो पाँचौँ नेपाल भ्रमण हुनेछ । उनी पहिलो पटक लुम्बिनी भ्रमणमा आउन लागेका हुन्।
मोदी त्यही दिन लुम्बिनीबाटै स्वदेश फर्किने कार्यक्रम तय गरिएको छ।
चैत २४, २०८०
चैत १३, २०८०
बैशाख ०७, २०८१
बैशाख ०७, २०८१
बैशाख ०७, २०८१
बैशाख २९, २०८१
बैशाख २४, २०८१
