फागुन ०३, २०८०
डोटी– के.आई.सिंह गाउँपालिकाले टोल विकास गठन तथा परिचालन सम्बन्धी कार्यविधिको मस्यौदामाथि छलफल गरेको छ ।
गाउँपालिकामा टोलस्तरबाटै योजना तर्जुमा तथा निगरानी बढाउन चालु आर्थिक वर्ष २०८०/८१ मा सात वटा वडामा टोल विकास संस्था गठन गरिने अध्यक्ष लोकेन्द्रबहादुर शाहीले बताए ।
यसका साथै गाउँपालिकालाई टोल विकास संस्था गठन गरेपछि नागरिक निगरानी, पारदर्शिता र जवाफदेहितामा सकारात्म प्रभावमा सहयोग पुग्ने अध्यक्ष शाहीले बताए । टोल विकास गठन तथा परिचालनको पूर्व तयारीका लागि गाउँपालिकाले जनप्रतिनिनिधि तथा कर्मचारीहरुका लागि अभिमुखिकरण तालिम सञ्चालन गरेको उनको भनाइ छ ।
छलफल भएको मस्यौदालाई फागुन मसान्तमा कार्यापालिकाबाट पारित गरी कार्यान्वयनमा ल्याइने प्रमुख प्रशासकीय अधिकृत सुरतबहादर परियारले जानकारी दिए । जनप्रतिनिधि र कर्मचारीले टोल विकास संस्था गठन तथा परिचालनका लागि कार्ययोजनासमेत बनाएको उनको भनाइ छ ।
कार्ययोजना अनुसार चालु आर्थिक वर्षभित्र संस्था गठनदेखि संस्थाका पदाधिकारीहरुको क्षमता विकासका लागि अभिमुखिकरण गर्ने उल्लेख गरिएको छ ।
असार १०, २०८१
साउन २६, २०८०
कात्तिक १४, २०८१
