पुस २१, २०८०
कैलाली- धनगढी उपमहानगरपालिकाको मोहनापुल–अत्तरिया सडकखण्डमा छुट्टै साइकल लेन सञ्चालनमा आएको छ ।
सडकको दुबै साइड गरी करिब १६ किलोमिटर सडक खण्डमा साइकल लेन निर्माण गरिएको थियो । लेनको उद्घाटन कार्यक्रममा नगरप्रमुख गोपाल हमालले साइकल यात्रीहरूलाई सडक दुर्घटनाबाट जोगाउन र सडक प्रयोग गर्न पाउनुपर्ने उनीहरूको अधिकारका लागि छुट्टै लेन निर्माण गरिएको बताए ।
उपमहानगरको भैपरी आउने पुँजीगत शीर्षकबाट ४६ लाख ५० हजार बजेट रकमान्तर गरेर आधुनिक र सुविधासम्पन्न साइकल लेन बनाउने काम गरिएको उपमहानगरपालिकाले जनाएको छ ।
धनगढीको ६ लेन सडकमा साइकल लेन बनाउन उपमहानगरको नगरकार्यपालिका बैठकले निर्णय नै गरेर त्यसका लागि बोलपत्र आह्वान गरेको थियो । सुदूरपश्चिममै पहिलो पटक उपमहानगरपालिकाले साइकल लेन बनाएको हो ।
तस्बिर- जितेन्द्र रावल/धनगढी
फागुन २७, २०८०
फागुन १३, २०८०
चैत २४, २०८०
बैशाख ०७, २०८१
बैशाख ०७, २०८१
