काठमाडौं । आज हरितालिका तीज ।आद्य शक्ति भगवान् शिवकी अर्धाङ्गिनी हिमालय पुत्री पार्वतीले भगवान् शिवको स्वास्थ्य तथा शरीरमा कुनै वाधा उत्पन्न नहोस् भनेर बर्त बसेकी र सोही ब्रतका प्रभावका कारण उनको मनोकांक्षा पुगेको भन्ने मान्यताबमोजिम आज हिन्दू नारी पानी पनि नखाइ आफ्ना पतिको सुख, शान्ति र समृद्धि तथा दीर्घायूकाे कामनाका साथ व्रत बसिरहेका छन् ।
यो चाडमा माइतीले (बाबु आमा,दाजुभाइ) छोरी/चेली लाई घरमा गई लिएर आउने वा बोलाएर मीठा-मीठा परिकार खुवाउने तथा मनका भावना एवम् सुखदुख साटासाट गरी एउटै ठाउँमा खाने-बस्ने चलन रहेको छ।
ब्रत बस्नुअघिल्लो दिन विशेष खानेकुरा दर खाने चलन छ ।
यही दर खाने दिनबाट नै तीज पर्वको आरम्भ भएको मानिन्छ। दरमा ठाउँअनुसार विभिन्न मिठा-मिठा परिकार साथै खिर, ढकने, सेलरोटी, केरालगायत खाना, फलफूल खाने गरे पनि पछिल्लो समय तीजको दर खाने नाममा अनेकन विकृति भित्रिन थालेका छन् ।
जसका कारण वास्तविक तीजको मौलिकता हराउँदै गएको हो कि भनी संस्कृतिविद्हरुले चिन्ता गर्न थालेका छन् ।
नेतृ रामकुमारी झाँक्री
एकीकृत समाजवादीकी नेतृ रामकुमारी झाँक्री तीजको अवसरमा आफू सार्वजनिक कार्यक्रममा सहभागी भई तीज मनाएको बताएकी छन् ।उनले सामाजिक सञ्जालमार्फत् आफू तीजको अवसरमा पुर्कोट कंकेदेउराली र म्यालपोखरीमा छमछमी नाचेर यस वर्षको तीज मनाएको भनी तस्वीर सार्वजनिक गरेकी छन् ।
‘आज यो वर्षको तीजमा पुर्कोट कंकेदेउराली र म्यालपोखरीमा छमछमी,’ सामाजिक सञ्जालमा उनले लेखेकी छन् ।
हेलम्बु गाउँपालिकाकी उपाध्यक्ष शारदा लम्साल
यस्तै, सिन्धुपाल्चोकको हेलम्बु गाउँपालिकाकी उपाध्यक्ष अप्सरा लम्सालले यस वर्ष अघिपछिको तुलनामा अलिक धपेडीको रुपमा तीज मनाएको बताएकी छन् ।
दरखाने दिन काम विशेषले काठमाडौं आएको र घरै नगई यतै दाइकोमा बसी तीज मनाएको बताइन् । गाउँ तथा माइतीमा बुबा आमा भए पनि दाइकोमा यस वर्षको तीज मनाएको उनले बताइन् ।
महिला नगर प्रमुख भएपछि नारीहरुले केही वशेष होस् भन्ने चाहना राख्ने गरेको अनुभव गरेको उनले बताइन् । पालिकाका स्थानीय महिला दिदीबहिनीहरुलाई लक्षित गरी तीज विशेष कार्यक्रम गर्ने तय भए पनि हेलम्बुमा गएको पहिरोका कारण तीज विशेष भनी गरिएको कार्यक्रम सोचेजस्तो नभएको उनले बताइन् ।