काठमाडौं । रुकुम पश्चिमको आठविसकोट नगरपालिका-११ चिसापानी नजिकै जीप दुर्घटना हुँदा दुई जनाकाे मृत्यु भएको छ ।
राडीबाट रिम्नातर्फ जाँदै गरेको ग १ ज १८९७ नम्बरको जीप शनिबार साँझ दुर्घटना हुँदा चालक बाँफिकोट गाउँपालिका-८ दुलिका कविराम विक र सहचालक मुसिकोट नगरपालिका-११ का कमल खड्काको मृत्यु भएको प्रहरीले जनाएको छ ।
त्यस्तै, जन्ती बोकेको जीप दुर्घटना हुँदा ६ जना घाइते भएका छन् ।
घाइते हुनेमा बनगाड कुपिण्डे नगरपालिका-४ देउलीमा भे १ ज १०२१ नम्बरको जीप शनिबार राति दुर्घटनामा परेको हो । दुर्घटनामा बनगाड कुपिण्डे नगरपालिका ४ देउलीका मोतिलाल बुढा, मन बुढा, सहदेव बुढा, चित्रबहादुर बुढा, हरिमाया बुढाथोकी र गोपाल बुढा छन् ।
जिल्ला प्रहरी कार्यालय सल्यानकाका अनुसार घाइते सबैको सल्लीबजारमा उपचार भइरहेको छ ।