साउन ०९, २०७९
काठमाडौं । काठमाडौंको तीनकुनेस्थित चिनियाँ नागरिकले सञ्चालन गरेको कल सेन्टरमा प्रहरीले छापा मारेको छ । काठमाडौं प्रहरी परिसर, नगर प्रहरी र प्रहरी वृत्त बानेश्वरबाट खटिएको टोलीले तीनकुने र गैह्रीगाउँका तीन ठाउँमा छापा मारी कागजात नियन्त्रणमा लिएको हो ।
परिसरका प्रवक्ता एसपी दिनेशराज मैनालीले तीनकुनेलगायत अन्य आशंका गरिएका अन्य स्थान प्रहरी खटिएको बताए । ‘कल सेन्टरमा छापा मार्ने काम भइरहेको छ, ’ उनले पालिका खबरसँग भने ।
आइतबार मात्रै रुपन्देहीको तिलोत्तमा नगरपालिका- २ को ब्लु स्काइ कल सेन्टरबाट सात सञ्चालकसहित डेढ सय युवा युवती पक्राउ परेका छन् ।
नगरपालिकामा अवैध रुपमा सञ्चालित सो कल सेन्टरमा आइतबार प्रहरीले छापा मारी उनीहरूलाई पक्राउ गरेको थियो ।
सर्वसाधारणको मोबाइलमा ह्वाट्सप र फेसबुकमा चिट्ठा पर्यो भन्दै म्यासेज पठाउने, अश्लील सन्देश पठाउने र ठगी गर्ने गरेको खुलेको छ ।
२०७६ पुसमा गैरकानुनी गतिविधि गरेको आरोपमा १२२ जना चिनियाँ नागरिक पक्राउ परेका थिए । उनीहरू पनि अनधिकृत रूपमा कल सेन्टर सञ्चालन र नेपालमा बसेर चिनियाँ नेटवर्किङ व्यवसाय चलाएको आरोपमा पक्राउ परेका थिए ।
बैशाख १९, २०८१
चैत ०६, २०८०
फागुन ३०, २०८०
जेठ २४, २०८१
जेठ २१, २०८१
