बैशाख २६, २०८०
इलाम । माइजोगमाई गाउँपालिकाले लम्कि स्किन डिजिजको नियन्त्रणको लागि बजेट विनियोजन गरेको छ । गाउँपालिकाको कार्यपालिका बैठकले लम्कि स्किन डिजिज रोगको नियन्त्रणको लागि बजेट विनियोजन गरेको हो ।
गाउँपालिकाको अनुसार १९औ कार्यपालिका बैठकबाट ३ लाख १०००० र २०औ कार्यपालिका बैठकले ११ लाख ९०००० गरी जम्मा पन्ध्र लाख रुपैयाँ बजेट विनियोजन गरिएको जनाइएको छ ।
गाउँपालिकाको अनुसार विनियोजित रकमबाट २/३ दिन भित्रमा सबै वडाहरुमा संक्रमण भएका पशुहरुलाई ३ साईकलमा औषधि प्रयोग गर्ने भन्ने निर्णय भएको जनाइएको छ ।
लम्कि स्किन डिजिज नियन्त्रणका लागि २०औ कार्यपालिका बैठकमा प्रकट भएका विचारहरुः
१, अन्य पालिका र संस्थाबाट हाल प्रयोग भएको भ्याक्सिन कुनै पनि आधिकारीक निकायबाट प्रमाणीत नभएको हुनाले सो भ्याक्सिन लाउन र नलाउनु एकै हुने जिल्ला भेटेनरीका पशु विज्ञको सुझाव प्राप्त भएको ।
२, माईजोगमाई गाउँपालिकाले यस अघि १९औ कार्यपालिका बाट रु ३१०००० विनियोजन भई हाल सो औषधि सर्वसाधरणमा माझ पुगि रहेको भन्ने कार्यपालिका बैठकमा छलफल भएको छ ।
३, आवश्यक सहयोग र उपचारको लागि अन्य पशु सेवा अन्तर्गतका माईजोगमाई गाउँपालिका भित्रका प्राविधिकहरुलाई आवश्यक छलफल गरी उक्त कार्यमा संलग्न हुन अनुरोध गराउने भन्ने निर्णय भएको छ ।
४, लम्कि स्किन डिजिजको बारेमा जिल्ला भेटेनेरीका डाक्टर सँग गाउँपालिका अध्यक्ष ले सम्पूर्ण जानकारी कार्यपालिका बैठकको बिचमा फोन मार्फत लिई माथि उल्लेखित निर्णयहरु गरीएको छ।
फागुन २९, २०८०
फागुन २५, २०८०
फागुन २४, २०८०
कात्तिक १४, २०८१
