फागुन ११, २०८०
नवलपरासी (पश्चिम)– सुस्ता गाउँपालिकाले अनुदानमा चाप कटर वितरण गर्ने भएको छ । गाउँपालिकाले ५० प्रतिशत लागत साझेदारीमा पशुपालक कृषकलाई चाप कटर उपलब्ध गराउने भएको हो । सोका लागि गाउँपालिकाले बिहीबार एक सूचना जारी गर्दै कार्यक्रमका लागि स्थानीयको आवेदन माग गरेको छ ।
गाउँपालिकाको आर्थिक वर्ष २०८०/०८१ को वार्षिक कार्यक्रम अनुसार स्थानीय कृषकलाई ५० प्रतिशत लागत साझेदारीमा चाप कटर उपलब्ध गराउन लागेको प्रमुख प्रशासकीय अधिकृत हुमालाल भुसालले बताए । ‘स्थानीय कृषकले आवेदन गरेपछि कति वटा पशु पालेका छन् । त्यहि आधारमा अनुदानका लागि छनौट गर्छौ,’ उनले भने ।
कार्यक्रममा सहभागी हुन इच्छुक पशु पालक कृषक, कृषि फर्म, कृषक समूहले आवश्यक कागजातसहित फागुन २४ गते सम्ममा आवेदन दिन सक्ने अधिकृत भुसालले पालिकाखबरलाई जानकारी दिए ।
फागुन २९, २०८०
फागुन २५, २०८०
फागुन २४, २०८०
चैत २२, २०८०
चैत २३, २०८०
