फागुन १३, २०८०
बैतडी– पञ्चेश्वर गाउँपालिकाले स्थानीय पशुचौपायालाई लम्पीस्कीन विरुद्धको खोप लगाएको छ । गाउँपालिकाले चालु आर्थिक वर्ष २०८०/८१ मा स्थानीय दुई हजार पाँच सय पशुचौपायामा खोप लगाएको हो ।
गाउँपालिकाले स्थानीय पशचौपायालाई रोगबाट बचाउन आफ्नै श्रोतबाट खोप लगाएको पशु शाखाका प्राविधिक दिपकसिंह बोहराले जानकारी दिए । गाउँपालिकाले जिल्लामै पहिलो पटक आफ्नै श्रोतबाट खोप खरिद गरी दुई हजार ५०० पशुचौपायामा खोप लगाएको उनले बताए ।
उनकाअनुसार गत वर्ष पशुमा लाग्ने लम्पीस्कीन रोगले किसानले क्षति व्यहोर्नु परेकाे थियो । पशुचौपायाहरुलाई जोगाउन लम्पीस्कीन विरुद्धको खोप दिएको प्राविधिक बोहराले पालिकाखबरलाई जानकारी दिए ।
'भाइरल रोग लम्पीस्कीनबाट पशुचौपायालाई बचाउन प्रत्येक वडामा खोप लगाईको हो । यस रोगबाट पशुचौपाया प्रभावित भएकाले पहिलो चरणमा किसानहरुले पालेका पशुचौपायामा खोप लगाइएको हाे,' प्राविधिक बोहरो भने ।
गाउँपालिकाभित्र किसानले पालेका पशुचौपाया करीब ६ हजार भए पनि पहिलो चरणमा दुई हजार ५०० मा खोप लगाइएको बोहराको भनाइ छ । 'यस रोगबाट किसानलाई क्षति नहोस् भनेर लगाइएको हो.' उनले भने ।
गत बर्ष लम्पीस्कीन रोगबाट गाउँपालिकामा ७ हजार पशुचौपाया प्रभावित भएको थिए । त्यस्तै १३० पशुचौपायको मरेको उनको भनाइ छ । लम्पीस्कीन विरुद्धको खोपका लागि गाउँपालिकाले ४ लाख बजेट बिनियोजन गरेको छ ।
फागुन २९, २०८०
फागुन २५, २०८०
फागुन २४, २०८०
चैत १९, २०८०
चैत १९, २०८०
चैत १८, २०८०
