कात्तिक ०५, २०७७
स्याङ्जा- वालिङ नगरपालिकाले दशैँ नजिकिँदै गर्दा बजारका पसलहरु अनुगमन गरेको छ । वालिङ नगरका उपप्रमुख कल्पना तिवारी, इलाका प्रशासन, प्रहरी, उपभोक्ता हित संरक्षण मञ्च तथा पत्रकारसहितको टोलीले रामबाच्छा बजार र भुम्रे बजार अनुगमन गरेको हो ।
उपप्रमुख तिवारीले चाडपर्वको बेला उपभोक्ताहरूलाई ठगिन नदिन बजार अनुगमन गरेको र उपभोक्ता आफैँ पनि सचेत रहनुपर्ने कुरा बताए ।
साथै वालिङ नगरपालिकाले चाडपर्वको बेला मात्र नभएर नियमित रूपमा बजार अनुगमन गरिहेको पनि तिवारीले बताए । नगरपालिकाले विज्ञहरूको टोलीसहित गरेको अनुगमनका क्रममा भेटिएका मिति गुज्रिएका अखाद्य वस्तुलाई हटाइएको छ ।
सरकारले निर्दिष्ट गरेको स्वास्थ्य सुरक्षा मापदण्ड पालना गरी चाडपर्व मनाउन र व्यापार, व्यवसाय गर्न, गराउन अनुगमन टोलीले आग्रह गरेको छ ।
चैत २२, २०८०
फागुन ११, २०८०
फागुन ०८, २०८०
बैशाख २९, २०८१
बैशाख २७, २०८१
बैशाख २४, २०८१
बैशाख १९, २०८१
बैशाख १९, २०८१
