काठमाडौं । रुपन्देहीको तिलोत्तमा नगरपालिका- २ को ब्लु स्काइ कल सेन्टरबाट सात सञ्चालकसहित डेढ सय युवा युवती पक्राउ परेका छन् ।
नगरपालिकामा अवैध रुपमा सञ्चालित सो कल सेन्टरमा आइतबार प्रहरीले छापा मारी उनीहरूलाई पक्राउ गरेको हो । उनीहरूमाथि थप अनुसन्धान थालिएको प्रहरीले जानकारी दिएको छ ।
सर्वसाधारणको मोबाइलमा ह्वाट्सप र फेसबुकमा चिट्ठा पर्यो भन्दै म्यासेज पठाउने, अश्लील सन्देश पठाउने र ठगी गर्ने गरेको प्रारम्भिक अनुसन्धानका क्रममा पाइएको इलाका प्रहरी कार्यालय बुटवलले जनाएको छ ।