गजेन्द्रबहादुर खड्का
अध्यक्ष, रौतामाई गाउँपालिका, उदयपुर 

उदयपुरको रौतामाई गाउँपालिका अध्यक्ष गजेन्द्रबहादुर खड्का निर्वाचनका बेला नागरिकसँग गरिएका प्रतिबद्धता करिब करिब पूरा गर्न सकिने दाबी गर्छन् । अध्यक्ष खड्कासँग जनप्रतिनिधिका रूपमा चार वर्ष काम गर्दाको अनुभव, पालिकाको विकास निर्माण, पालिकाले सुरु गरेको नयाँ पहल आदिबारे गरिएको कुराकानी :

जनतासँग वाचा गरिएका काम कति पूरा भए ? 

मैले चुनाव लड्दा घोषणापत्र प्रयोग गरेको थिएँ । त्यसमा वडालाई व्यवस्थित बनाउने, विद्युतीकरण गर्ने, खानेपानी र सिँचाइमा जोड दिने उल्लेख थियो । यस्तै, सडक निर्माण गर्ने घोषणा गरेको थिएँ । सबैभन्दा पहिले सडक निर्माण ग¥यौँ । गाउँपालिका केन्द्र जाने बाटो, केन्द्र पुग्ने धुले बाटो बनाएका छौँ । विद्युतीकरणको काम जारी छ । वर्षाका कारण त्यो केही मात्रै अघि बढेको छ । त्यसैगरी विद्यालयको भौतिक पूर्वाधार निर्माण गरेका छौँ । गाउँपालिका केन्द्र जान महेन्द्र राजमार्गबाट जाने बाटो कालोपत्रे गर्ने हाम्रो योजना छ । तर, सरकारले बजेट काटेकाले त्यो अघि बढ्ने सम्भावना न्यून छ । झन्डै ९५ प्रतिशत हाम्रो घोषणापत्रअनुसार काम भएको छ । 

संघ तथा प्रदेशले कुन–कुन कानुन नबनाइदिएका कारण स्थानीय तहलाई काम गर्न कानुनी अड्चन भइरहेको छ ? 

शिक्षा, वनलगायत विषयमा कानुन बनेको छैन । रोयल्टी, निकासी कर, जडीबुटी अनुदान आदिको ऐन खुलेको छैन । हामीले कर उठाउन पाएका छैनौँ । 

गाउँपालिकाले विशेष महत्त्व दिएर पहल गरेका कार्यक्रमबारे बताउनुस् न ? 

हामीले पर्यटन क्षेत्रबाट समृद्धि हासिल गर्ने योजना बनाएका छौँ । रौतापोखरीलाई पर्यटकीय क्षेत्रका रूपमा विकास गरिरहेका छौँ । अतिथि गृह, सिँढी निर्माण तयारी गरेका छौँ । उदयपुरको सबैभन्दा अग्लो भूभागबाट हामीले सञ्चार सेवा दिइरहेका छौँ । लामो झरनालगायत क्षेत्रमा विभिन्न काम गरेका छौँ । कृषि क्षेत्रमा तरकारी पकेट क्षेत्र, पशुपालनमा कृषकलाई जोड दिएका छौँ । कृषकको आयआर्जन वृद्धि गर्न विभिन्न कृषि कार्यक्रम अघि सारेका छौँ । 

तपाईंको पालिकाको आन्तरिक स्रोतको अवस्था कस्तो छ ? 

जडीबुटी, ढुंगा, बालुवा यस्तैबाट २५–३० लाख रुपैयाँ राजस्व उठाउँछौँ । 

अन्त्यमा, कार्यकालको अन्तिम वर्षमा तपाईंले कुन–कुन क्षेत्रलाई प्राथमिकता दिएर काम गरिरहनुभएको छ ?

स्वास्थ्यका लागि १८ शय्याको अस्पताल निर्माण अघि बढाएका छौँ । गाउँपालिकाभित्रको दुई किलोमिटर बाटो कालोपत्रे गर्ने, पालिकाको तीन तले भवन बन्दै छ । विद्यालय पुनर्निर्माण र सबैलाई खानेपानी पु¥याउनेलगायतमा हामीले काम गरिरहेका छौँ ।