पुस २४, २०७७
१) १० महिनादेखि बन्द रहेका काठमाडौं महानगरपालिकाका विद्यालयमा १ माघदेखि पठनपाठन हुने, महानगरले स्वास्थ्य मापदण्ड लागू गरेर विद्यालय खोल्ने ।
२) ललितपुरको गोदवरी नगरपालिकामा रहेको वाणी विलास माध्यमिक विद्यालयको नयाँ भवन निर्माण हुने, नगरप्रमुख गजेन्द्र महर्जनले गरे भवनको शिलान्यास ।
३) खोटाङको बराहपोखरी गाउँपालिकाले नियुक्त गर्यो कृषि तथा पशु सेवा प्राविधिक, २ जना कार्यालय सहयोगीका लागि ५१ जनाको आवेदन ।
४) आगामी वर्ष थप २५९ स्थानीय तहमा अस्पताल बन्ने, सरकारले तोक्यो पालिका, संघीय मन्त्रालयद्वारा स्थानीय तहलाई अस्पताल बन्ने स्थान टुंगो लगाएको विवरण आउँदो फागुन मसान्तसम्म पठाउन निर्देशन ।
५) सर्लाहीको ईश्वरपुर नगरपालिकाले आधारभूत स्वास्थ्य केन्द्र र कोभिड अस्पतालका लागि करारमा कर्मचारी भर्ना गर्ने, इच्छुकलाई १५ दिनभित्र दरखास्त दिन नगरपालिकाले खुलायो विज्ञापन ।
६) खोटाङको केपिलासगढी गाउँपालिका- १ फेदीमा एकैसाथ वडा कार्यालय र स्वास्थ्यचौकीको भवन उद्घाटन, अब सेवाग्राहीलाई सहज हुने ।
७) अछामको बूढीगंगा नदीमा मापदण्डविपरीत बालुवाजन्य वस्तु उत्खनन, नदी वरपरका वस्तीमा जोखिमको त्रास ।
८) रुकुमपूर्वको भूमे गाउँपालिकाले १ मेघावाट जलविद्युत उत्पादन गर्ने, विस्तृत परियोजना प्रतिवेदन (डीपीआर)का लागि सर्भे सुरु ।
९) स्वास्थ्य कार्यालयको आयोजनामा नवलपरासी पूर्वका ८ वटै पालिकाका १२ र जिल्ला अस्पताल गरी १३ स्थानमा निःशुल्क स्थायी बन्ध्याकरण शिविर संचालन गरिने, शिविर ७ देखि २९ माघसम्म संचालन हुने ।
१०) रूपन्देहीको बुटवल गोलपार्क सडक विस्तार हुने, सर्वोच्चले दियो अतिक्रमण हटाउने अनुमति ।
११) नवलपरासी पश्चिमको पाल्हिनन्दन गाउँपालिकाको अमानीगंज गाउँ र पृथ्वी आदर्श वस्ती जोड्ने नदीमा पक्की पुल बन्ने, संघीय सांसद देवेन्द्रराज कँडेलले गरे पुलको शिलान्यास ।
१२) म्याग्दीको मालिका गाउँपालिका- ७ बिमवासीका लागि आवास पुनर्निर्माण सुरु, स्वदेश तथा विदेशमा रहेका बिमवासीले जग्गा खरिदका लागि आर्थिक स्रोत जुटाए ।
१३) पर्साको वीरगंजबाट १०७ किलो चरेससहित एक जना पक्राउ, पक्राउ पर्नेमा मकवानपुरको थाहा नगरपालिका- ११ बस्ने ३४ वर्षीय रविन तामाङ ।
१४) भक्तपुरको चाँगुनारायण नगरपालिकाले महिला लक्षित सीपमूलक तालिम संचालनमा ल्याउने, ३०० भन्दा बढी महिलाले कार्यक्रममा सहभागी हुन पाउने ।
१५) प्युठानको मल्लरानी गाउँपालिकाद्वारा घर आँगनमै पुगेर अपांगता परिचयपत्र वितरण, गाउँघरमै सेवा पाउँदा स्थानीय खुसी ।
१६) दोस्रो विवाह गरेको आरोपमा एक जोडी सप्तरीबाट पक्राउ, पक्राउ पर्नेमा कञ्चनरूप नगरपालिका- ६ का ३५ वर्षीय इब्राहिम मियाँ र ३२ वर्षीया हसिना खातुन ।
१७) दाङको राप्ती गाउँपालिकामा नागरिक आरोग्य सेवा केन्द्र स्थापना, अब आयुर्वेदिक पद्धतिद्वारा पालिकावासीले निःशुल्क उपचार पाउने ।
१८) पूर्वी नवलपरासीको कावासोती नगरपालिकाले सुरु गर्यो सामाजिक सुरक्षा तथा व्यक्तिगत घटनाको अनलाइन अभिलेखीकरण, अभिलेख खोज्न र सेवाग्राहीलाई थप सहज ।
१९) पुरातत्त्व विभागले काभ्रेको पाँचखाल नगरपालिकामा सम्पदा लक्षित ‘जियोफिजिकल सर्भे’ गर्ने, पाँचखाल र जनकपुरमा जियोफिजिकल सर्भेका लागि जनशक्ति तथा आर्थिक व्यवस्थापनको तयारी ।
२०) र, इलामको माङ्सेबुङ गाउँपालिका- २ भोटेडाँडामा ना३ख २०५ नम्बरको ट्रक दुर्घटना हुँदा पाँचथरको मिक्लाजुङ गाउँपालिका बस्ने ३५ वर्षीय किरण राईको मृत्यु ।
हेर्नुहोस् भिडियो
फागुन ३०, २०८०
फागुन ३०, २०८०
फागुन २८, २०८०
कात्तिक १४, २०८१
